O Festival Sinsal, co cartel mellor gardado do mundo, xa ten datas para regresar a San Simón

Apunta: 25, 26 e 27 de xullo. Non esquezas a biodramina si maréasche en barco, porque nos imos ás illas de San Simó e Santo Antón a gozar a mellor música. Que quen toca? Nin idea. E de verdade que non o sei nin o saberá ninguén até pór os dous pés no arquipélago, momento no que o Festival Sinsal SON Estrela Galicia descobre a súa proposta para cada xornada nun dos festivais máis interesantes e impredicibles de todo o territorio nacional.

TODOS A bordo!

E é que o principal atractivo do Sinsal é que o seu cartel é secreto. Os seus seguidores -que se contan por miles, aínda que o evento está limitado diariamente a 800 afortunados- esgotan os abonos en cuestión de horas e acoden até este enclave marabilloso para gozar dun evento único e singular, con propostas que van máis aló da música. 

As bandas poden proceder de calquera recuncho do planeta e os estilos surfean desde a música de cámara até a electrónica, pasando polo folk, o pop ou o R&B. Outra das novidades para este 2025 é que ao coincidir o 25 de xullo, día de Galicia, coa xornada inaugural, o festival alarga a súa duración, con actividades de mañá e tarde. 

Así, as actividades paralelas que son un selo do festival como os percorridos na contorna, as charlas sobre historia, memoria e patrimonio cultural e natural, ou as ligadas á proposta SinsalSenRastro, serán algunhas das que reunan aos asistentes ao evento, que o escolleron en anos anteriores como un dos máis atractivos de toda España, figurando un ano máis no informe ‘O mellor da cultura 2024’ do Observatorio da Cultura’ da Fundación Contemporánea como a proposta musical mellor valorada do país por terceiro ano consecutivo e a segunda iniciativa cultural mellor valorada polos profesionais do sector na comunidade galega.