Que regalar en Nadal? Propostas galegas para que Papá Noel e os Reis Meigos acerten fixo

UN MONOPOLY A LA GALLEGA

Comprar, vender, desplumar ao teu adversario...cantas tardes de Monopoly, cantas amizades rotas polo clásico xogo de mesa que agora ten a súa propia versión á galega grazas á imaxinación de Paula Pastoriza e Pedro Meira. O xogo está inspirado nun deporte de risco como é "mover vos marcos", algo que, como sabemos, pode provocar algún que outro problema. 

'Tes Terras?' é o nome deste xogo de mesa que ten a Cangas, Bueu, Moaña e Marín como parte do seu mapa que os xogadores deben conquistar. A meta? Chegar aos puntos marcados para derrotar aos teus adversarios, axudados polas cartas e figuras que van saíndo. 

'BARULLO', ÁLBUM DE BAIUCA

O caotirense Álex Casanova continúa co seu proxecto fundindo electrónica, folk e outros ritmos. Quizá este disco sexa unha das súas apostas máis fortes para un mercado musical sempre en ebulición e con novidades constantes. Ademais, apostou tamén pola arte gráfica e, así, Carlota Pereiro foi quen puxo a súa creatividade para a caratula do disco. 

FESTIVAL PORTAMÉRICA

Gústache a música? Gústache comer? Gústache telo todo? Nese caso, o Festival PortAmérica é o teu sitio. O de Portas é un dos eventos culturais do verán en Galicia. A súa proposta non pode ser máis innovadora: estrelas no escenario e estrelas, neste caso Michelin, á fronte dos fogóns. Entre tapa e tapa, concerto dalgúns dos mellores artistas do panorama nacional e internacional.

Para a edición de 2025, que se celebrará do 3 ao 5 de xullo, o PortAmérica convocou a Iván Ferreiro, Mikel Izal, Viva Suecia, Recycled J, Love of Lesbian ou Sidonie. Isto é só o primeiro avance dun cartel que inclúe a xigantes da cociña como Jordi Roca, do Celler de Can Roca, Álex Marugán, do Tres por Catro de Madrid, ou Albert Adriá, do restaurante Enigma de Barcelona, todos eles baixo a batuta de Pepe Solla, que fará de comisario e, quen sabe, si de artista convidado de novo. 

Os abonos para o festival xa están á venda e son un agasallo ideal para este nadal. Dous boletos mellor que un: un agasallo e un autoregalo para entrar no verán a todo ritmo e coa tripa contenta.

ENTRADA PARA UNHA ULTRANOITE DE CHÉVERE NA CAPITOL

A máis popular das compañías de teatro galega ten previsto actuar cinco veces este nadal na Sala Capitol de Santiago de Compostela. Si quere gozar dunha das míticas Ultranoites de Chévere é mellor que se apure, porque xa só quedan entradas para a última das sesións, prevista para o domingo 5 de xaneiro de 2025. 
 

Non é de estrañar que o resto de entradas voen, a pesar do seu considerable prezo, as máis baratas saen a máis de 23 euros. Polo visto na Ultranoite do Festival Maré este Outono, os de X Ron están en plena forma. Impagable ver, por exemplo, a imitación de Joao Afonso que realizou Miguel de Lira.
 

Ademais, as ultranoites agora xa non son aquelas veladas de certa incomodidade loxística na fría Sala Nasa. A nova xerencia da Capitol creou un ambiente bohemio, con mesas para grupos pequenos desde as que gozar dos sketches tomar algo. Ambiente burgués, mesmo, para os que fosen as iconas da contracultura compostelá.

‘O ALENTO DAS CHAMAS’, NOVELA DE ÁNGELA BANZAS

Un incendio en pleno corazón de Madrid a finais do S.XIX detona unha investigación que levará á escritora Elvira Pardo Losada a viaxar até o Pazo de Mariñán e a súa bruma, que envolve este enclave nunha aura de misterio co que Ángela Banzas, de novo, transpórtanos no tempo nunha historia chea de acertijos e paixóns. 

‘O alento das chamas’ (Suma) é a última novela dunha das escritoras máis destacadas da literatura galega. Tras os éxitos de 'O silencio das ondas' (Suma, 2021), 'Conxúraa da néboa' (Suma, 2022) e 'A sombra da rosa' (Suma, 2023), a autora compostelá lánzanos de cabeza a unha nova aventura onde entrelaza o thriller e o romanticismo, onde debuxa figuras femininas de gran peso literario e na que mantén ao lector enganchado até a última liña.

Para aqueles que gusten de viaxar sen mover da butaca, o libro de Ángela Banzas é o agasallo ideal para este nadal, pois nos levará a Bergondo e, ademais, permitiranos ir atrás no tempo grazas á capacidade da santiaguesa para crear escenarios e atmosferas que atrapan en cada páxina. 

ENCONTRO MUNDIAL DE HUMORISMO

O mellor que se pode regalar sempre son gargalladas. E a fábrica da risa está na Coruña coa súa apertura de portas a partir do 24 de abril e co seu gran peche o 4 de maio. Os abonos para o festival xa están á venda e voan, por iso o Papá Noel e os Reis Meigos teñen que dar présa se queren meter no seu saco un ticket para algún dos espectáculos.

Desde lendas como Faemino e Canso até os humoristas máis viroso como Galder Varas, pasando polo podcast que vén de triunfar nos Premios Ondas, A Ruína, ou os shows máis vándalos, como 'A Chochoctora', onde pasará consulta Henár Álvarez. 'Humoris Causa', 'Fantastic Colofón', 'Berro'...espectáculos para todos os gustos e cos que ter un acerto para morrer de risa.

CAMISETA PONTEVEDRA CF

Saben o que é o Bloke Core? Trátase dunha tendencia que viu mil veces, porque é a última moda. Vírono pola rúa, de festa, de concerto, en clase… Chicos e mozas con camisetas de fútbol. Os e as Blokette alagaron as redes sociais e son cada vez máis as influencers e celebrities que apostan por este outfit que causa sensación. 

Non é para menos, pois as camisetas de fútbol nunca pasan de moda, revalorízanse e a verdade que serven xa para un roto e para un descosido. Saltaron das canchas de futbito aos escenarios, ás escapadas á praia ou ás reunións informais. O punto está en que a camiseta, canto máis outsider e vintage, mellor. Por iso, para ser o último da rúa, recomendamos nesta ocasión deixar debaixo do arbolito a elegante casaca do Pontevedra CF.

Por que? Pois porque a súa combinación de granate e dourado é un éxito en calquera ocasión, porque o traballo de Kappa -expertos en tomar a rúa coas súas pezas- na cidade do Lérez é en grao sumo destacado, dando personalidade a un conxunto mítico do fútbol nacional, e porque este é un ano que promete ser histórico para o cadro a Boa Vila, convertido en todo un matagigantes da Copa do Rei (no camiño quedáronse Levante e Vilarreal; o Mallorca espera quenda) e porque marcha primeiro na Segunda RFEF, onde domina con puño de ferro e luva de seda. E si este é o ano de celebrar outro ascenso e revalorizar esta zamarra que pode ser lendaria? ‘Hai que roelo’, pero mellor coa pel granate. 

TIROLINA A Pontenova

Es de emocións fortes? Pois ponche o arnés, o casco e disponte para saltar ao baleiro durante 300 metros e a máis de 80 metros de altura. A maior tirolina de Galicia atópase na Pontenova, no corazón de Lugo e é unha experiencia que revitalizou este pobo mineiro que agora se envorcou en actividades aventureiras como esta. 

A tirolina é o principal reclamo, pero as súas excursións para coñecer as covas, a súa historia mineira, paseos en bicicleta ou percorridos a bordo dun kaiak polo río. Unha oportunidade para regalar unha viaxe de altura, perfecto para realizar en parella ou en grupo. 

'BESTA', ÁLBUM DE BALA

Este é o cuarto traballo do dúo composto por Ánxela Baltar (guitarra e voces) e a lucense Violeta Mosquera (batería e voces). Brutal, simplemente. Desde logo que si buscaban romper monotonías, aburrimentos ou indiferenzas, conseguírono. Non aconsellamos quedar só co son, lean as letras, por favor.

'TRES IRMÁNS', NOVELA DE CARLOS MEIXIDE

Carlos Meixide volve a terras francesas para desenvolver unha historia que atrapa cos seus personaxes e o seu estilo para ofrecernos un relato tan impactante como sorprendente. Dous nenos que volven de xogar atópanse ás súas respectivas familias mortas tras a invasión prusiana a Francia. Os dous, neno e nena, aos que se lles unirá outra nena, viaxarán a París en busca dun familiar remoto. A viaxe transformaraos de tal forma que a súa nenez se transformará radicalmente.