A xornalista María Solar elixe O Corte Inglés de Santiago para a firma do seu último libro

Amizade, amor...e beber sangue humano. Eses son os ingredientes de 'Adeline', a última novela vampírica de María Solar, un dos rostros máis reconocibles do xornalismo cultural en Galicia e unha das escritoras en literatura xuvenil máis relevantes do panorama literario na comunidade. Este último traballo, baixo o selo de Xerais, será o centro de atención este venres no Corte Inglés de Santiago de Compostela, onde a autora estará a asinar libros.

Será a partir das 19 horas na libraría da superficie comercial, situada na planta baixa dos grandes almacéns, onde este nadal fixeron unha aposta firme por celebrar este tipo de actos, convidando a autores do país a recibir a calor dos clientes do Corte Inglés e promover a cultura á vez que descobren a novos escritores. 

O caso de María Solar non é nin moito menos novo, xa que con 'Adeline' foi finalista do XV Premio Jules Verne, pero xa antes con 'A Culpa' foi galardoada co Premio Xerais de 2022. Nesta novela, dúas mulleres reflexionan sobre eses segredos que carcomen e a culpa que as atenaza a pesar da gran fortuna que as pode rodear. Un libro que cativa e que mergulla ao lector nunha espiral de tolemia, morte e segredos por descubrir. A estes títulos podemos sumar 'Ou meu pesadelo favorito', 'A verdadeira historia da mosca da tele' ou 'Os nenos das vexigas'.