Á venda as entradas para o concerto de Vetusta Morla e Xoel López en Castrelos, Vigo
A maioría dos pases distribúense fisicamente, pero hai unha cantidade, dividida en dúas quendas, que se pode comprar en liña.
As entradas para o concerto de Vetusta Morla e Xoel López no auditorio de Castrelos de Vigo sairán á venda este luns.
Como vén sendo habitual este verán, o Concello ofrece 5.000 pases para a platea do auditorio, mentres que o resto das persoas que queden sen reserva poderán acudir de forma gratuíta á bancada.
En concreto, 2.000 entradas sairán de forma presencial nos despachos de billetes de Castrelos a partir das 09.00 horas e outras 2.000 ás 16.30 horas. Na web, 500 estarán dispoñibles á mañá e outras 500 á tarde.
Escribe o teu comentario