Tanxugueiras serán cabeza de cartel no Guísamo Folk
Os concertos comezarán sobre as 20.00 horas, pero o Concello organizará unha serie de talleres e actividades para os máis pequenos
A XXIII edición do festival Guísamo Folk, que se celebrará o próximo 24 de agosto no campo da festa da localidade coruñesa, terá como cabeza de cartel a Tanxugueiras.
Xunto a elas tamén estarán o vigueses Abril, un proxecto que mestura músicas de raíz galega e ibérica con outros xéneros. Tamén se subirán ao escenario Arredores, un grupo que non quere etiquetarse nun só xénero e que ofrece concertos con moita enerxía e música que non encaixa nun só estilo musical.
O broche á festa porao Terbutalina. Formado en 2010 por tres novos de Esteiro que querían proxectar a imaxe do seu pobo por toda Galicia.
Os concertos comezarán sobre as 20.00 horas, pero o Concello organizará unha serie de talleres e actividades para os máis pequenos.
Escribe o teu comentario