Cando saen á venda as entradas para ver a Aitana en Castrelos? Só hai 5.000 tickets

Aitana é unha artista que move masas alá por onde pasa, e en Vigo non vai ser menos. Miles de fans esperan impacientes ao concerto da artista o próximo 3 de agosto no Auditorio de Castrelos, onde a entrada será gratuíta para a bancada, que promete a estar a rebordar ese día, pero cun pequeno número de afortunados en expona, espazo onde o Concello de Vigo preparou unha remesa de entradas dispoñibles para os máis madrugadores.

DOUS HORARIOS E DÚAS FORMAS DE CONSEGUIR As ENTRADAS

E é que os 5.000 tickets poranse á venda este venres 19 de xullo e só hai dúas formas de conseguilos. Para ver á exconcursante de Operación Triunfo o máis cerca posible hai que gardar cola para a apertura dos despachos de billetes de Castrelos este venres ás 9:30 horas, cando se porán á venda 2.000 pases. 

Outros 2.000 boletos estarán dispoñibles tamén no despacho de billetes a partir das 16:30 horas. A maiores, a web do consistorio vigués porá á venda de maneira online 500 entradas ás 9:30 horas e medio milleiro máis en horario de tarde, ás 16:30 horas. 

Os tickets para este concerto prometen voar, pero non será o único concerto de Castrelos, que "inaugurou" o sábado pasado Dani Fernández cunha soberbia actuación que reuniu a miles de persoas. Para o concerto do 7 de agosto, de UB40, Abel Caballero detallou que a venda de entradas terá lugar o xoves 24 de xullo, co mesmo sistema de venda que coas entradas para ver a Aitana.