As reflexións do poeta Carlos Oroza daranse cita este mércores na Libraría Pedreira de Santiago

O vindeiro mércores 8 de novembro ás 19:30 a Libraría Pedreira de Santiago de Compostela acollerá a presentación do libro Un curso con Carlos Oroza, do escritor e xornalista Fernando Fernández Domonte. No acto de presentación, participarán, ademais do autor, o responsable da Editorial Elvira, Xabier Romeu, que farán pasar ao público un intre lembrando anécdotas vividas xunto ao xenial poeta Carlos Oroza.

Durante os anos da súa vida en Madrid , o gran poeta oral Carlos Oroza compartiu piso por uns meses con Fernando Fernández Domonte, mentres este era estudante de xornalismo. Neste libro, Domonte, a través de dez divertidos e reveladores relatos, consegue achegarnos ao particular modo de tiña o poeta de encarar a vida.

Desta maneira quedará tamén retratado o aspecto máis humano de Carlos Oroza, algunhas veces como unha persoa humilde e outras desvalido, aínda que sempre hipercrítico e descoidado e preguizoso no día a día, pero temperamental cando se trata de subir a un escenario. Entre as páxinas deste libro poderán ademais descubrir algunhas das ideas máis intimas e cotiás do poeta.

FERNANDO FERNÁNDEZ DOMONTE

O autor, Fernando A. Fernández Domonte, é licenciado en Ciencias da Información pola Univeridad Complutense de Madrid e foi redactor en diversos medios de comunicación, como a Folla do Luns de Vigo, #RTVE, Diario de Galicia ou Diario 16. Foi tamén membro do equipo técnico e responsable de comunicación da Cooperativa de Armadores de Pesca do Porto de Vigo, así como xefe do Gabinete Técnico da Consellería de Pesca da Xunta de Galicia e xefe da Unidade de Comunicación e Relacións Externas do Instituto Tecnolóxico para ou Control do Medio Mariño. Debido a esta relación que mantén o autor coa pesca, coescibió numerosos traballos osbre pesca, marisqueo, acuicultura e seguridade marítima, sendo a súa última publicación o libro de relatos Contos dá beiramar, tamén editado pola editorial Elvira.