Xerais celebra a 40ª edición dos seus premios de novela, "espello dunha narrativa plural, rica e vital"

A editorial Xerais celebrou este sábado a súa festa anual de entrega do Premio Xerais de Novela, o Premio Jules Vernes de Literatura Xuvenil e o Premio Merlín de Literatura Infantil.

O acto, presentado pola xornalista Susana Pedreira, celebrouse no Parador de Baiona para conmemorar as corenta edicións do Premio Xerais de Novela.

Tal e como lembran nun comunicado, nesta ocasión recoñécese a novela Ninguén contará a verdade, de Pedro Feijoo; a novela xuvenil Furia, de María Reimóndez, e a obra infantil A botella de lentellas, de Leticia Barbadillo. 

Durante a súa intervención, o directo da editorial, Fran Alonso, destacou a diversidade de obras que compoñen o palmarés do premio, unha diversidade que é o "espello dunha narrativa plural, rica e viroso".

Do mesmo xeito, Fran Alonso fixo referencia ás orixes dos galardóns mencionando Crime en Compostela, de Carlos G. Reigosa, "o primeiro título que alcanzou o recoñecemento social e cultural que o premio procuraba".
 

Reivindicou tamén a vocación do premio Xerais: seguir impulsando o libro en galego, continuar  sendo motor de modernización, seguir sendo peza crave na aposta e na innovación empresarial e continuar abanderando un constante diálogo coas lectoras e lectores".