Máis de 1.250 estudantes de 22 colexios asistirán a partir do luns ás funcións escolares do Galicreques
Un dos alicerces fundamentais deste evento é achegar ás xeracións novas co obxectivo de captar novos públicos
O Festival Galicreques dará comezo a partir deste luns a programación escolar á que asistirán máis de 1.250 estudantes dun total de 22 centro de educación primaria e secundaria de Galicia.
Segundo informou a organización do evento nun comunicado, co inicio desta programación, a cita afianzará un dos seus alicerces fundamentais, achegar ás xeracións novas co obxectivo de captar novos públicos.
Entre as funcións para os mozos estarán O gato con botas, da compañía La Estrella de Valencia, que terá lugar no Teatro Principal de Santiago de Compostela a partir das 12:00.
Larei Lará presentará, pola súa banda, ás 11:30 horas a obra Dinosauros na Alameda compostelá, mentres que o Centro Sociocultural de Santa Marta acollerá á compañía valenciana A Carreta, que representará en dúas pases, ás 10:00 e ás 12:00 o seu espectáculo Vicente, o pirata Valente.
Escribe o teu comentario