Un libro do historiador galego Francisco Jorge Leira Castiñeira explica a construción da ditadura franquista

A Universidade de Valencia acaba de editar un libro do historiador galego Francisco Jorge Leira Castiñeira, titulado Galicia, un golpe sen cuartel, unha guerra sen trincheiras e que pretende explicar a construción da ditadura franquista desde a perferia.

A historiografía de España tentou explicar a construción sociopolítica da ditadura franquista a partir da finalización da Guerra Civil en abril de 1939. Noutras ocasións, púxose como data de inicio o momento en que Serrano Suñer comeza a ter presenza. Este libro pretende mostrar, segundo o seu autor, "como o franquismo se construíu desde o mesmo golpe de estado, a través dunha serie de capítulos que abarcan un importante abanico de aspectos que representan a construción da posterior ditadura".

Esta obra, coordinada por Lourenzo Fernández Prieto, catedrático da #USC e membro da Real Academia Galega, e polo profesor Francisco J. Leira da Universidade Isabel I, é un estudo no que participan investigadores das tres universidades galegas e historiadores procedentes do mundo societario, de todos os campus de Galicia, de tres grupos de investigación e do Instituto dá Lingua Galega.

Nel abórdase un estudo sobre as singularidades do territorio español nos procesos do seu tempo e contextualizadas, polo que o estudo recolle unha serie de procesos máis amplos que os que se refiren a Galicia.

O traballo está publicado por Prensas Universitarias de Valencia, que actualmente se atopa na 13ª posición do ranking editorial realizado polo #CSIC. A foto da súa portada, indica o autor "representa o cambio que supuxo o golpe de estado, dunha sociedade modernizada a unha paramilitarizada".