O ciclo musical 'Ópticas contemporáneas' propón tres concertos para o outono na Cidade da Cultura

A Xunta de Galicia programou na Cidade da Cultura tres concertos para o outono dentro do ciclo 'Ópticas contemporáneas. A música reborda ou pentagrama', que achegarán ao público a música clásica desde unha perspectiva moderna.

As actuacións celebraranse nas tardes do domingo 29 de outubro, o venres 3 de novembro e o domingo 26 de novembro. O ciclo arrincará cunha ópera de Portugal e que se estreará en España. 'Un riso para chorar' reflexiona sobre o poder hexemónico da destrución da memoria e da devastación da terra.

Con música e liberto de Miguel Azguime, a peza desenvólvese como un teatro metafísico, entre a risa e o pranto, con cinco personaxes e sete instrumentos acústicos con medios electrónicos en tempo real.

Esta ópera está dirixida por Pedro Neves e conta cos sopranos Camila Mandillo e Andrea Conangla, o baixo barítono André Henriques, o recitador Jade Mandillo e os músicos de Sond'Ar-che Electric Ensemble.

O programa continúa o venres seguinte, o 3 de novembro, cunha actuación da Real Filharmonía de Galicia. Baixo da dirección de Baldur Brönnimann a agrupación interpreta 'Flying Pictures', unha composición contemporánea de Vivan & Ketan Bhatti que parte da obra 'Cadros dunha exposición', de Mussorgsky.

O domingo 26 de novembro a programación pecha con Federico Albanese, pianista e compositor italiano que leva á Cidade da Cultura cos temas do seu último traballo publicado este ano, Days of Passage. Unha mestura de música clásica, pop, alternativo e psicodelia para achega ao público seguindo o ronsel de Ludovico Einaudi.

Como noutras ocasións, o ciclo conta cunha actividade complementaria gratuíta, pensada para favorecer a conciliación das persoas adultas que asisten aos concertos no Gaiás.