Xulgan a unha muller á que acusan de tentar introducir droga no cárcere de Teixeiro en 2020
Piden para ela catro anos de prisión e unha multa de 1000 euros
As Audiencias Provincial da Coruña celebrará este mércores un xuízo contra unha muller acusada de tentar introducir droga no cárcere de Teixeiro. Segundo informou o Tribunal Superior de Xustiza de Galicia, os feitos remóntanse a febreiro de 2020.
No escrito de cualificación fiscal, a Fiscalía sostén que a muller foi sorprendida en posesión de catro porcións de resina de cannabis, ocultas na súa roupa interior, ademais de tres bolsas de cocaína que levaba na carteira, no interior do seu bolso de man.
As sustancias que lle foron aprehendidas alcanzan no mercado ilegal un valor de 333 euros, segundo a valoración obtida pola Oficina Central Nacional de Estupefacientes do Ministerio do Interior.
Os feitos constitúen para o Ministerio Público un delito contra a saúde pública, polo que pide para a muller unha pena de catro anos de prisión e o pago dunha multa de 1.000 euros.
Escribe o teu comentario