ALAS organiza este sábado na Coruña unha vixilia con motivo dos 365 días sen Samuel Luiz
A Asociación pola Liberdade Afectiva e Sexual (ALAS) A Coruña organizou para este sábado unha vixilia en recordo de Samuel Luiz, falecido o 3 de xullo do ano pasado tras unha malleira nas inmediacións do paseo marítimo.
O mozo coruñés foi asasinado a madrugada do 3 de xullo de 2021. Os maiores de idade investigados pola brutal malleira que acabou coa súa vida, pendentes de xuízo.
A vixilia terá lugar ás 18:30 horas deste 2 de xullo, na avenida Buenos Aires, próxima ao lugar onde ocorreu o fatal suceso.
A Asociación pola Liberdade Afectiva e Sexual (ALAS) A Coruña organizou para este sábado unha vixilia en recordo de Samuel Luiz, falecido o 3 de xullo do ano pasado tras unha malleira nas inmediacións do paseo marítimo.
Segundo informa, terá lugar ás 18,30 horas, na avenida de Buenos Aires, preto de onde se produciu a agresión que acabaría coa morte do novo, de 24 anos.
No seu recordo e no de "outras vítimas da LGTBIfobia", gardarase un minuto de silencio e farase unha ofrenda floral no lugar onde ocorreron os feitos.
Desde ALAS A Coruña faise fincapé en respectar a "dor e a intimidade" da familia de Samuel Luiz e dos seus achegados. Tamén se pide ás administracións "valentía" para lograr a "igualdade real" do colectivo LGTBI.
Escribe o teu comentario