​A chegada do AVE a Lugo, unha demanda "irrenunciable" para o PP provincial

|

Reunion AVE Lugo BarreiroEncontro con Adif. Foto: @BarreiroJmanuel


O portavoz dos populares no Senado, José Manuel Barreiro, afirmou este xoves que a chegada do AVE á cidade de Lugo é unha demanda "irrenunciable" para o PP.


Estas declaracións realizounas antes de participar nun novo encontro con directivos de Adif, esta vez acompañando a unha delegación da plataforma veciñal 'Lugo non perdas o tren' e da Confederación de Empresarios.


"Esta reunión é consecuencia dunha petición que nos facían os representantes da federación veciñal que queren coñecer de primeira man a situación na que se atopa a chegada do AVE a Lugo", puntualizou.


Barreiro defende que para o PP de Lugo "é irrenunciable a chegada da alta velocidade". "Circunstancia que nos foi confirmada nunha reunión que mantivemos tanto a presidenta provincial, Elena Candia, como eu co presidente de Adif e que logo confirmou á alcaldesa (Lara Méndez)", sostén.


Sobre a reunión deste xoves, móstrase convencido de que a autoridade ferroviaria "contará aos representantes veciñais en que situación se topa (o proxecto) e cal é o proceso para seguir" Sobre os veciños, asegura que "aproveitarán para expor que un espazo da estación de ferrocarril (da cidade amurallada) se utilice como aparcadoiro e desde Adif non teñen maior problema".


Barreiro desliga esta infraestrutura da aprobación dos orzamentos, na liña do manifestado pola conselleira de Infraestruturas, Ethel Vázquez, aínda que deixa claro que as contas, "máis aló da influencia concreta neste tema, son fundamentais para articular a política económica".


relacionada Lara Méndez confía na chegada do AVE á cidade amurallada en 2019
relacionada O PP lucense presiona ao Goberno central para que "materialice" a promesa do AVE
relacionada Adif xustifica que as obras do AVE que van con atraso non lle afectarán á data final

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress