Os menos habituais de Celta e Dépor, protagonistas dos encontros benéficos

|

Balonbotasfutbol


Cos internacionais de Celta e Dépor nos seus respectivos compromisos coas seleccións nacionais, os equipos galegos aproveitan para disputar senllos partidos con fins solidarios.


Os vigueses reciben o Pachuca mexicano en Balaídos, un amigable que destina os fondos que se recaden a axudar aos damnificados polo terremoto en México.


O Dépor, pola súa banda, xoga o XIX Memorial Moncho Rivera ante o Corinthians, cuxos beneficios irán para a Cociña Económica e o Banco de Alimentos da Coruña. Os organizadores teñen como meta obter uns ingresos maiores que a anterior edición, cuxa recadación ascendeu a 37.020 euros.


Máis aló destes fins benéficos, os menos habituais e os xogadores de ambos os filiais teñen unha oportunidade para reivindicarse e demostrar a implicación e as cualidades que poden achegar a Celta e Dépor.


No Dépor, Xogadores como Albentosa, Gerard Valentín, Bruno Gama, Borja Valle ou Bakkali deben dar un paso adiante. Tamén poden aproveitar Edu Expósito, Francis ou Pinchi, do filial.


Por parte do Celta, entre os canteiráns están Brais Méndez, habitual do primeiro equipo, o central Diego Alende, o centrocampista Dani Molina, o dianteiro Dennis Eckert e Deixan Drazic. Do primeiro equipo Unzué conta con Sergio Álvarez, Rubén Blanco, Fontàs, Radoja, Jozabed, Hjulsager, Wass, Jonny, Sergi Gómez, Cabral e Roncaglia.


relacionada Unzué queda con poucos efectivos polos compromisos coas seleccións
relacionada O Dépor aproveita a semana sen Liga para quitarse presión

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress