Morre en Navarra un peregrino que facía o Camiño de Santiago
Un condutor viuno tirado boca abaixo nunha cuneta e coa mochila. Aínda non se coñece a causa do seu falecemento.
Imaxe de arquivo dun grupo de peregrinos.
Un peregrino de 48 anos e nacionalidade alemá faleceu o luns en Burguete (Navarra) mentres realizaba o Camiño de Santiago. Os feitos coñecéronse pasadas as dez da noite cando un condutor alertou ao 112 da presenza dun peón cunha mochila boca abaixo nunha cuneta do km 43 da N-135 (Pamplona-Francia).
Ata o lugar mobilizouse médico de garda e patrulla de seguridade cidadá de Policía Foral, que a pesar das manobras de reanimación non puideron facer nada por salvarlle a vida. Decretouse morte xudicial a expensas dos resultados da autopsia, segundo informou a Policía Foral.
O corpo foi trasladado ao Instituto Navarro de Medicina Legal unha vez finalizada a inspección ocular por parte de axentes de policía xudicial e científica da Policía Foral.
Localizada ilesa unha peregrina perdida entre Fisterra e Muxía
Máis de 80.000 peregrinos visitaron Santiago no que vai de 2017
Ourense protexe aos seus peregrinos con chalecos de alta visibilidade
Escribe o teu comentario