Contactos entre a Marea e o PSOE para preparar os orzamentos da Coruña

|

JmgarciaferreirocoruJosé Manuel García e Xulio Ferreiro.


Os orzamentos municipais son a maior batalla dos gobernos locais sen maioría. No caso da Coruña, Xulio Ferreiro tivo que someterse este 2017 a unha cuestión de confianza para sacar adiante as contas.


Para que non se repita a situación cos orzamentos de 2018, o Goberno local e o PSOE empezaron a manter "contactos informais", aínda que non sentaron a negociar o texto do próximo ano.


Desde o PSOE din que o acordo é posible porque non establecen "ningunha liña vermella", e xa non está sobre a mesa a entrada no Executivo como condición para garantir o seu apoio ás contas.


As concellerías deben presentar as súas propostas de gastos e ingresos esta semana, co obxectivo de que o orzamento entre en vigor desde o primeiro día do 2018.


ALCALDÍA ROTATORIA


O que queda de agosto, o Concello estará rexido por tres alcaldes distintos. Para cubrir as vacacións de Xulio Ferreiro, ata o 31, substituirano a concelleira de Medio Ambiente, María García; o edil de Rexeneración Urbana, Xiao Varela; e a responsable de Xustiza Social, Silvia Cameán.


Tanto o ano pasado coma o anterior, con todo, Ferreiro foi substituído por María García, a tenente de alcalde.

relacionada Os orzamentos participativos de Santiago pasan a segunda fase con case 5.000 apoios
relacionada Xulio Ferreiro: "Non podía ocorrer o do ano pasado"
relacionada Ferreiro perde a cuestión de confianza

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress