Falece Darío Xohán Cabana, escritor, membro da Real Academia Galega e activista político, aos 69 anos
O Concello de Lugo, onde traballou como funcionario, confirmou a triste noticia do seu deceso.
Natural de Cospeito e membro da RAG desde 2006, o escritor cultivou multitude de xéneros, como a poesía, o ensaio e a tradución.
Darío Xohán Cabana | Foto: EP
O escritor e académico lucense Darío Xohán Cabana faleceu este martes no seu domicilio tras unha longa enfermidade. Así o confirmaron fontes do Concello de Lugo, lugar onde traballou como funcionario de Cultura ata a súa xubilación.
O autor de 'Galván en Saor' contaba con 69 anos de idade e era natural da parroquia de Roás no Concello de Cospeito, aínda que actualmente residía na parroquia de Roméan na cidade de Lugo.
O escritor cultivou multitude de xéneros, como a poesía, o ensaio e a tradución, ingresou na Real Academia Galega en abril de 2006, onde ocupando a vacante de Manuel María.
Tamén foi un activista político vinculado ao nacionalismo galego, en Esquerda Nacionalista, a Unión do Povo Galego ou a FPG.
Xohán Cabana xubilouse como funcionario, como responsable das comunicacións na área de Cultura, despois de ser o encargado da xestión do auditorio municipal Gustavo Freire.
Escribe o teu comentario