Épica remontada do Celta contra o Barcelona cun golazo final de Aspas (3-3)

O equipo galego foi moi blandito en defensa no arranque do partido. A segunda parte foi de cor celeste e o esforzo olivico recibiu premio na fase final do encontro.

O Barça empatou un partido que tiña gañado en Balaídos. Ao descanso, o equipo de Sergi Barjuan gañaba por 0 goles a 3, pero unha segunda parte para esquecer terminou cun gol de Iago Aspas no minuto 95 para empatar o encontro. 

A primeira parte do Barça foi das mellores da tempada. A eficacia ante a portería do Celta foi máxima. Ansu Fati, aos tres minutos e medio de partido, xa puxera o primeiro gol do partido. Un recorte cara a dentro e un golpeo ao pau longo poñían o partido de fronte para o conxunto azulgrana. E non só iso. No minuto 18, o Barça volvía asestar outro golpe á moral do Celta. Busquets, cun disparo desde fóra da área poñía maior distancia no marcador.

Pero non se ía a quedar aí a boa primeira parte azulgrana. No minuto 34, unha gran acción colectiva culminouna Depay cun moi bo remate de cabeza ao pau longo. Aí, o partido parecía completamente sentenciado. O Celta estaba afundido e o Barça crecido. Por primeira vez na tempada víase un Barça alegre. Con todo, a felicidade ía durar ata o minuto 44. Ansu Fati, nun balón ao espazo, sentía unha picada e víase obrigado a retirarse do partido por unha nova lesión muscular. 

A segunda parte tamén arrincaba con problemas. Eric García tamén quedaba no vestiario con molestias físicas. E, pouco despois chegaban os problemas de goles en contra. O primeiro de Thiago Gallardo anulouno o asistente por un fóra de xogo claro. Pero dous minutos despois, Iago Aspas non perdoou. Un erro de Ter Stegen nun blocaje permitiu ao dianteiro do Celta recortar distancias. 

Os celestes seguían apertando. Nolito marcaba o 2-3, pero o colexiado volvía a anular o tanto do Celta por man no control do dianteiro. Outra acción de perigo que o Barça non liquidaba e o Celta seguía crendo. De feito, no 74 esta vez si, Nolito poñía o 2-3 cun bo remate de cabeza. E a euforia en Balaídos chegou no minuto 95. Un remate cruzado de Aspas superou a Ter Stegen e supuxo o 3-3 no marcador. 

O Barça queda noveno, con 17 puntos dos 36 posibles que disputou ata a data. Unha liga ata o de agora frouxa, pero que queren solucionar coa chegada de Xavi ao banco culé. Un debut que se producirá dentro de dúas semanas ante o Espanyol no Camp Nou.