A Semana Santa impulsa a caída do paro en Galicia
O número de parados rexistrados nas oficinas dos servizos públicos de emprego (antigo Inem) baixou en 4.615 persoas en abril en Galicia, o que supón un descenso do 2,7% en relación co mes anterior, case igual ao da media (-2,8%).
O número de parados rexistrados nas oficinas dos servizos públicos de emprego (antigo Inem) baixou en 4.615 persoas en abril en Galicia, o que supón un descenso do 2,7% en relación co mes anterior, case igual ao da media (-2,8%).
Deste xeito, o total situouse en 166.226 desempregados na comunidade galega. No conxunto estatal, a baixada foi en 91.518 desempregados en abril (-2,8%), superando o retroceso que experimentou no mesmo mes de 2018, cando diminuíu en 86.683 persoas.
Tras este descenso, o volume total de parados situouse en 3.163.566 desempregados. Hai que ter en conta que a Semana Santa, que adoita animar o mercado laboral, celebrouse este ano en abril, mentres que en 2018 tivo lugar en marzo.
En termos desestacionalizados, o paro baixou no cuarto mes do ano en 19.136 persoas, segundo informou o Ministerio de Traballo, Migracións e Seguridade Social.
Escribe o teu comentario