Novo campus en liña da Federación Galega de Caza

A Escola de Caza da Federación Galega de Caza (FGC) púxose en funcionamento --pódese consultar na súa páxina web-- co obxectivo de servir de "campus formativo alcanzable" e, achegar así, a "formación a cazadores, sociedades, deportistas e xuíces" a todos os puntos da xeografía galega.

"Que nin a falta de tempo nin a distancia sexan un obstáculo para que as persoas interesadas en adquirir novos coñecementos poidan facelo sen horarios, sen desprazamentos, confortablemente desde calquera lugar con acceso a internet", sinala a federación de caza.

A plataforma online arrinca coa primeira edición do curso sobre a xestión interna e administrativa dunha entidade asociativa, dirixida principalmente aos xestores das sociedades de caza, pero tamén a aquelas outras persoas interesadas en formarse neste campo.

Paulatinamente, a Federación Galega de Caza introducirá novos cursos de formación de cazadores, xuíces e deportistas. O curso, previa inscrición, é gratuíto, previa inscrición enviando o boletín de matrícula ao correo electrónico antes do 30 de outubro de 2018 para esta primeira edición.