Paros nunha liña de produción de Citroën Vigo por baixa demanda

A factoría de PSA Peugeot-Citroën de Vigo pechará unha das súas dúas liñas de produción do 23 de outubro ao 4 de novembro por falta de carga de traballo, segundo confirmou a empresa.

Trátase da liña uno de produción, que se encarga de fabricar os modelos Peugeot 301 e Citroën C-Elysee. Fontes sindicais apuntan a que este paro afectará a entre 350 e 400 traballadores.

Esta paralización débese a unha escaseza de demanda destes vehículos, cuxo principal receptor son países mediterráneos como Turquía, que sofre unha desvalorización da lira.

Fontes sindicais consultadas por Europa Press non descartan que se produzan novos paros da produción no mes de decembro.