Protesta porque a nova carreira profesional do SERGAS divide entre “médicos de primeira e médicos de segunda”
Xorde unha voz crítica co acordo que todos os sindicatos asinaron coa Xunta para a nova carreira sindical no SERGAS. É a da Asociación de Médicos Interinos de Galicia, que argumenta que o pacto deixa fóra ao persoal precario.
Xorde unha voz crítica co acordo que todos os sindicatos asinaron coa Xunta para a nova carreira sindical no SERGAS. É a da Asociación de Médicos Interinos de Galicia, que argumenta que o pacto deixa fóra ao persoal precario.
Una pasada protesta de la CIG sobre la carrera profesional
ASMIG xa comunicou aos sindicatos da Mesa Sectorial a súa “firme oposición ao acordo”. De acordo á súa versión, o documento subscrito hai uns días por CESM e o Sergas “foi retocado o suficiente como para que aos sindicatos que agora se suman ao acordo non se lles caia a cara de vergoña”.
CRÍTICAS A OUTROS COLECTIVOS
Este colectivo argumenta que o texto deixa fóra da carreira ao persoal interino e eventual que leva moitos trienios de servizos prestados á sanidade pública e que “agora ten que asistir a unha división entre médicos de primeira e de segunda, imposta unilateralmente polo Sergas e aceptada sen rechistar por uns sindicatos que demostran o seu escaso compromiso cos dereitos do persoal en situación máis vulnerable”.
ASMIG lamenta nun comunicado que o fin da precariedade no Sergas, que é enorme, xa non preocupa a “uns sindicalistas máis preocupados polas eleccións sindicais e de non quedar fose do escenario marcado por CESM que polo exercicio do seu labor mediador”
Escribe o teu comentario