Oubiña: "Cumprín as miñas penas e xa non son narcotraficante"

En exercicio do dereito legal do interesado a solicitar a rectificación dunha información que lle alude e en relación concretamente a un teletipo remitido pola axencia Europa Press o 15 de abril de 2018 baixo o titular "A CONCILIACIÓN ENTRE OUBIÑA E A PRODUTORA DE FARIÑA FIXADA PARA O 19 CELEBRARASE TRAS UNHA NOVA DETENCIÓN" procedemos a publicar as manifestacións literais remitidas a Europa Press por D. Laureano Oubiña Piñeiro:

Oubiña, á dereita, nunha imaxe de arquivo

"En exercicio ao dereito á rectificación, dirixo a presente, con motivo das últimas noticias publicadas por vostedes sobre a miña persoa na que me tachan de narcotraficante, concretamente o DOMINGO 15/04/2018 en referencia á demanda conciliatoria que se celebrará o próximo 19 de abril en Madrid, cando como xa saben cumprín as miñas penas e por tanto xa non son narcotraficante.

Por todo iso e en aras de evitar procedementos xudiciais en defensa da miña imaxe e a miña honra, requírolles para rectifiquen estas concretas, inexactas e inveraces afirmacións divulgadas por vostedes sobre a miña persoa."

O éxito do libro Fariña  e da actual serie sobre o narcotráfico en Galicia desatou unha serie de demandas contra Nacho Carretero, autor do volume, e as produtoras do a serie audiovisual. 

Ademais de Oubiña, polo menos o ex-alcalde do Grove Alfredo Bea Gondar e Manuel Vázquez Padín, o máis famoso dos arrepentidos, denunciaron ao fío da publicación do libro.