O Día Mundial da Saúde pon o foco sobre a prevención e o autocuidado como prioridades

Para gozar dunha boa saúde hai que ser plenamente conscientes de que, ás veces, podemos non estar sans. Isto pode parecer contraditorio, pero é unha cuestión que puxeron sobre a mesa os expertos de Quirónsalud con motivo da celebración do 'Día Mundial da Saúde', que se celebra este 7 de abril e que ten no centro da diana á prevención e o autocuidado, alicerces dunha saúde de ferro.

AUTOCUIDADO E PREVENCIÓN

Normalmente as persoas teñen a minimizar aquilo que lles pasa e que pode ser prexudicial para eles. Detrás do que cremos que é un simple catarro pode haber algo moito máis grave do que creemos. Ao tempo, hai factores de risco e habitos, como o tabaquismo ou o sedentarismo, que resultan moi daniños.

Cambiar hábitos e o autocuidado, sendo plenamente conscientes de que hai certas cousas que nos fan dano, son fundamentais para reducir ou, mesmo, suprimir por completo algunhas cuestións que poden atentar contra nustra saúde. Así, cousas sinxelas, como dedicar uns minutos ao día a facer deporte, poden previr moitas enfermidades. 

"A prevención non consiste en facer máis, senón facer o axeitado para cada persoa a partir dunha evidencia sólida", razoa a doutora Susana Valiente, que avoga por "non medicalizar situacións cotiás" e facer unha autoevaluación ao noso modo de vida. Desta forma, podemos diferenciar entre a prevención primaria, aquela que busca evitar que apareza a enfermidade (#vacinar, unha boa hixiene do soño, xestionar as situacións de tensións...), a secundaria, que busca detectar enfermidades nas súas fases iniciais (cribados, controis rutineiros...), e a terciaria, aquela que pomos en marcha unha vez detectamos a enfermidade e trata de evitar secuelas ou complicacións ante problemas crónicos.

Nese sentido, Valente incide en que "previr non é vivir obsesionado con síntomas", senón "entender" aquelas cuestións que son beneficiosas e que poden darnos "calidade de vida a longo prazo". Para iso, a figura do médico de familia é crucial para que nos axude a ter uns hábitos máis saudables e estar controlados nalgunhas decisións.

Ter citas anuais para realizar revisións e ver que todo está ben, controlar os factores de risco cardiovascular (primeira causa de morte no país), estar ao día no noso calendario @vacunal, ser constantes nunha boa alimentación e actividade físcia ou consultar aos facultativos antes de medicarnos ou tomar suplementos son algúns dos consellos para unha mellor prevención.