Povisa (Ribeira Saúde) denuncia unha "campaña de descrédito" e di que incorporou 77 médicos en dous anos

No comunicado enviado a este medio, Ribeira Saúde asegura que o funcionamento do hospital mantense con normalidade , subliñando que o centro —con medio século de actividade— continúa prestando servizos cos estándar recoñecidos por Joint Commission International. 

Ribeira Povisa tamén fixo fincapé na súa actividade asistencial recente: entre setembro de 2024 e agosto de 2025, o centro di atender a máis de 125.000 pacientes, con cifras de consultas, urxencias e intervencións que, segundo a empresa, avalan a continuidade asistencial. O grupo engadiu que investiu recursos en instalacións e tecnoloxía, incluída a modernización informática e proxectos como a futura cirurxía robótica.

Estas afirmacións chegan despois de que a prensa viguesa ha rexistrado durante os últimos días noticias que alimentan a inquietude cidadá: medios de Vigo e Galicia informan de mudanzas de especialistas a outros hospitais privados da cidade e da perda de miles de pacientes afiliados do SERGAS que deixaron de escoller o centro no último ano. Incluso o conselleiro de Sanidade da Xunta tívose que pronunciar durante a súa recente visita a Vigo a principios de semana.

Hai que lembrar que calquera problema de persoal en Povisa afecto tamén ao SERGAS, dado que a sanidade pública ten concertada a atención hospitalaria de centos de persoas cubertas polo SERGAS a este operador privado.

Así, La Voz de Galicia afirmou que o hospital perdeu ao redor de 6.000 pacientes no último ano, unha caída que medios de Vigo vinculan a cambios na confianza e a transvasamentos cara a outros centros.   En paralelo, informacións publicadas en Atlántico detallan que servizos como Dermatoloxía quedaron reducidos a un único facultativo, o que fontes sanitarias locais describen como un funcionamento “baixo mínimos” que condiciona a actividade asistencial.

 Ademais, cabeceiras locais recollen movementos de persoal cualificado: xefes de servizo e médicos veteranos obterían prazas no Sergas ou se incorporaron a hospitais privados competidores en Vigo, como o grupo Vithas (Fátima).

Rexeitamento frontal á campaña de "descrédito"

O comunicado de Ribeira Saúde busca transmitir unha mensaxe de "tranquilidade" á poboación, enmarcando as informacións críticas dentro dunha "campaña de descrédito" cara ao hospital e os seus 1.546 traballadores. A dirección subliña que manteñen un compromiso "reiterado" cos seus pacientes e profesionais, garantindo que todos os servizos operan sen interrupcións e que os pacientes están "nas mellores mans".

A entidade recalca que o centro dispón actualmente dun persoal de 486 facultativos en máis de 40 especialidades médicas. Para refutar a idea dunha fuxida de profesionais, a empresa detalla que só en 2025 incorporáronse 37 novos facultativos, sumar aos 43 médicos contratados durante 2024. Este fluxo de incorporacións, segundo Ribeira Saúde, asegura a "continuidade" da atención aos cidadáns en todas as áreas.

Ademais do corpo médico, o hospital conta con máis de 800 profesionais de enfermaría altamente cualificados. O centro pon en valor a dilatada traxectoria do seu equipo, mencionando que algúns dos seus médicos de prestixio levan máis de dúas décadas ao servizo do hospital, o que, ao seu xuízo, avala unha das mellores asistencias sanitarias do país.

En canto ás condicións do seu equipo humano, o centro asegura asinar este mes un plan de carreira e desenvolvemento profesional destinado a mellorar as condicións de todo o persoal do centro, unha medida que podería estar orientada a fidelizar ao persoal e desincentivar futuras marchas.

Para ilustrar a súa plena actividade, o comunicado debulla unha serie de datos asistenciais. Entre setembro de 2024 e agosto de 2025, o hospital atendeu a máis de 125.000 pacientes e xestionou 17.000 ingresos. No mesmo período, realizáronse máis de 24.000 intervencións cirúrxicas, contabilizáronse 410.000 consultas e asistiuse a máis de 91.000 urxencias.

O hospital tamén subliña a súa capacidade para realizar procedementos de alta complexidade, como a atención a pacientes queimados ou intervencións de rotura de aneurisma de aorta, incluíndo técnicas microquirúrgicas que "moi poucos profesionais fan en Galicia". Ademais, o centro preséntase como o único hospital privado da comunidade que mantén médicos de garda 24 horas os 365 días do ano en 20 especialidades