Suecia toma como exemplo o sistema de tratamento de Sogama en materia de reciclaxe

Adoitamos tomar de exemplo moitas veces ao norte de Europa en temas como a protección do medioambiente ou o ecoloxismo, pero hoxe son eles os que pon a lupa en Galicia e tratan de aprender do noso modelo de sustentabilidade. É por iso que emisarios da cidade sueca de Mölndal visitaron esta mañá o Complexo Medioambiental de Sogama en Cerceda para tomar boa nota do modelo que aplica a empresa pública para tratar de levar as leccións apresas de volta ao seu municipio.

O Estratego de Sustentabilidade no Departamento de Servizos Técnicos da División de Reciclaxe e Residuos do municipio de Mölndal, Andreas Svendsen, foi o encargado de realizar os apuntamentos, acompañado de Carlos Ameixenda, director da Reserva da Biosfera Mariñas Coruñesas e Terras do Mandeo, e de reunir con Javier Domínguez Lino, presidente de Sogama, con quen compartiu as súas impresións e ideas.  

Neste encontro co presente e o futuro deste modelo a debate, os municipios do país escandinavo tratan de adaptar á lexislación europea no campo da prevención e redución de refugallos, unha materia na que aínda teñen moitos deberes por facer, especialmente no relativo a rebaixar a cantidade de desperdicio alimentario ou o consumo de produtos dun só uso. 
 

Nesta liña, desde Suecia han implementado unha serie de iniciativas para tratar de abordar este complexo cambio de mentalidade na cidadanía sueca, con máis formación e concienciación sobre un consumo e uso responsable. Na súa visita ás instalacións, completada cun percorrido virtual no que puido descubrir todos os recunchos deste espazo, Svendsen puido concretar todo o que Sogama pode ofrecer para mellorar a vida das máis de 69.000 persoas que residen en Mölndal, onde industrias como a farmacéutica, a biomedicinal ou a biotecnológica son moi importantes.