En calquera caso, haberá que esperar para o debut de Chema e Sergio Tejera, as últimas incorporacións do conxunto galego, que aspira a regresar á división de prata do fútbol nacional pola vía rápida e sen ter que sufrir máis da conta en Primeira RFEF.
O Racing de Ferrol non se enfrontará ao Real Madrid Castela porque os brancos só teñen ochco futbolistas
As doce baixas dos madrileños, por lesión e compromisos internacionais, motivan a suspensión.
Este domingo ía disputarse o partido entre o Racing de Ferrol e o Real Madrid Castela. O cadro departamental e o filial merengue son dous firmes dcandidatos a lograr o ascenso a Segunda División, pero o caprichoso calendario quixo que se vexan as caras no primeiro partido dos ferroláns lonxe de casa. Con todo, a viaxe a Madrid terá que esperar, pois esta mañá se anunciou a suspensión do encontro.
DOCE BAIXAS
A noticia deuna a coñecer o Comité de Competición da Real Federación Española de Fútbol, que co seu fallo, despois da solicitude do equipo branco, pospón o choque, pendente dunha nova data para medir ás dúas escuadras.
A decisión apóiase no parte de guerra que presenta o equipo dirixido por Arbeloa: até doce ausencias contra o Racing. Entre os chamados a filas coas súas seleccións, nada menos que nove, e os tres futbolistas que ten entre algodóns, os viquingos sairían a xogar ao Estadio Alfredo Di Stéfano con só oito futbolistas de campo.
"Desde o Racing Club Ferrol porémonos en contacto con todos os afeccionados racinguistas que adquiran entradas para o partido co propósito de xestionar a devolución do seu importe", detalla o Racing no seu comunicado. Os da cidade naval non ocultan o seu malestar ao considerar que o parón de seleccións afecto a todos os equipos en maior ou menor medida e que o Madrid ten recursos para cubrir esas ausencias.
Escribe o teu comentario