O MAC inicia o 2 de decembro o ciclo de música 'Vello, raro, novo'

O Museo de Arte Contemporánea Gas Natural Fenosa (MAC) inicia o próximo 2 de decembro, en colaboración con Sinsalaudio, a nova programación do ciclo de música e coleccionismo 'Vello, raro, novo', dedicado á cultura musical nas súas diferentes proxeccións, segundo informa.

Sobre esta proposta, indica que se trata "dun programa pioneiro e novo que abarca, ademais da música en directo, o campo do coleccionismo musical como ligazón e conexión entre o museo e a cidadanía".

Nesta ocasión, contará cos directos de Alexis Taylor (Gran Bretaña), El último vecino (España) e Amiina (Islandia). O ciclo pretende abarcar todas as manifestacións musicais contemporáneas e traer á cidade da Coruña "actuacións inéditas e que non adoitan formar parte dos circuítos habituais", indican os seus promotores.