O interior da ría de Pontevedra abre ao marisqueo case 20 anos despois

A auga da zona está agora menos contaminada, pero os bivalvos deberán pasar por unha depuradora antes de comercializarse.


|

AmiexasmarisqueoDesde 1998 a zona estaba pechada.

A Consellería do Mar reabrirá ao marisqueo 19 anos despois a parte interna da ría de Pontevedra ao constatar unha mellora na clasificación microbiolóxica das augas da zona.


A parte comprendida entre Punta Praceres e o peirao de Lourido leva catalogada como zona C --pechada ao marisqueo-- desde 1998 e desde este venres o Instituto Tecnolóxico para o Control do Medio Mariño (Intecmar) decidiu que pase a ser zona B --o produto pode comercializarse tras pasar por unha instalación depuradora--.


Así, o marisco extraído desta zona é apto para o seu consumo en fresco, "con todas as garantías de calidade e salubridade", segundo informa o Goberno galego, sempre que se someta a un proceso de depuración.


As zonas de produción de moluscos bivalvos clasifícanse como A, B ou C. No caso de zona A, os produtos poden acceder directamente ao mercado. En B, é necesario a depuración. E en zona C, só poden ir ao mercado no caso de que vaian para conserva ou tras unha reinstalación para un proceso de depuración natural.

relacionada Entrégase o sospeitoso de agredir con arma branca a un mariscador da Illa de Arousa
relacionada A APDR denuncia unha "escalada de corrupción ambiental" na ría de Pontevedra

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE