A Deputación de Lugo denuncia repartición "caciquil" de axudas da Xunta a concellos do PP

|

Martinezdeputacionlugo


O portavoz socialista do goberno provincial de Lugo, Álvaro Santos, acusou este mércores á Xunta de levar a cabo "unha xestión caciquil" na repartición dos seus fondos e axudas, pois "maioritariamente" destínanse a concellos gobernados polo PP.


Tras detallar os datos sobre convenios subscritos polo Goberno galego no últimos sete meses do pasado ano, puxo de manifesto que 19 dos 21 concellos que recibiron fondos públicos "están gobernados polo Partido Popular".


"Foron 16 millóns de euros, dos que máis de 13 foron para concellos do PP. Onde goberna o PSOE ou outra formación política, a Xunta non inviste nin un só euro", denunciou.


De igual modo, Santos reparou en que o plan de camiños municipais da provincia dotouse de 5,4 millóns de euros en 2016, "ano de eleccións" (autonómicas), mentres que para este exercicio e o seguinte o montante só alcanza os catro millóns de euros.


"No canto de incrementalo e, por tanto, facer ese impulso obxectivo en todos os concellos, recórtano para este ano e o próximo", censurou, crítico con que os fondos para iso destínanse a "convenios dados a dedo aos alcaldes que lles parece a eles" e que "son do PP".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress