Piden 24 anos de prisión para un construtor cedeirense acusado de asasinato

A defensa alega un "accidente" e non ve "probas" pola acusación de asasinato no atropelo de Cedeira.


|

Acusadosbanquillo


A defensa do home acusado de atropelar mortalmente a un veciño en Cedeira (A Coruña) alegou que se trata dun "accidente" e asegura que "non hai probas" que sosteñan a acusación por asasinato á que se enfronta o seu cliente, polo que considera que é "inxusta" e solicita a súa libre absolución.


A Sección Segunda da Audiencia Provincial da Coruña acolleu este luns a primeira sesión do xuízo contra un construtor cedeirense que terá que responder polo atropelo mortal dun veciño co que tiña unha longa inimizade.


A Fiscalía solicita 21 anos de prisión por un delito de asasinato, mentres que a Acusación Particular eleva a pena a 24 anos. Sete homes e tres mulleres foron seleccionados para conformar o xurado que emitirá o veredicto por este suceso. Tras a selección do xurado, as partes realizaron as súas respectivas exposicións. Un vez realizado este proceso, o xuízo retomarase este martes coa declaración do acusado.


A defensa do proceso considerou "inxusta" a acusación de asasinato á que se enfronta o seu cliente e, ademais, asegura que "non hai probas" que sosteña dita acusación. "Foi un accidente e a coincidencia da inimizade é o que levou a iniciar este proceso xudicial", comentou ao xurado.


Tamén, dirixíndose ao xurado popular, o letrado do procesado, quen en todo momento nega a intencionalidade, destacou que a vítima "estaba obsesionada" co acusado, contra quen chegou a poñer ata 80 denuncias.


OS FEITOS


Pola súa banda, a Fiscalía entende que o atropelo foi "intencionado", polo que solicita unha pena de 21 anos de prisión para o home por un delito de asasinato.


Os feitos ocorreron o 10 de agosto de 2012 no paseo marítimo de Cedeira. A vítima camiñaba pola zona sobre as 9.50 horas. O procesado atopábase no coche e viuno pasar pola calzada no mesmo sentido da súa marcha.


Entón, segundo o escrito do Ministerio Público, "variou a traxectoria e arroiouno por detrás sen que a vítima puidese advertilo nin facer nada por evitalo e sabendo que con iso lle ocasionaría a morte ou, cando menos, que esta sería a consecuencia máis probable da súa acción".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE