Nace unha firma galega de 'slow fashion' para nenos
A firma de moda ecolóxica Mimico acaba de lanzar a súa primeira colección, feita con materiais biodegradables e tinguiduras ecolóxicas.
Dúas emprendedoras galegas crearon unha firma de moda ecolóxica e sustentable co obxectivo de "vestir aos nenos de vida", cunha primeira colección inspirada na natureza galega.
Deste xeito crearon Mimico, unha firma de moda infantil feita en Galicia con materiais ecolóxicos e reciclados. Con algodón orgánico 100% con certificado GOTS, o PET (poliester procedente da reciclaxe de botellas de plástico), botóns de madeira de oliveira e coco..
"Todo, absolutamente todo o que se utiliza neste proceso son materiais biodegradables e naturais e todos os estampados e serigrafías están feitos con tinguiduras ecolóxicas", segundo explicaron.
Todas as pezas desta primeira colección primavera-verán 2017 foron fabricadas en talleres galegos porque Mimico aposta por unha produción sustentable.
A primeira colección desta firma xa se vende 'online' e en pequenas tendas "que apostan por deseños diferentes para nenos que se visten de vida", segundo destacan.
Mimico integrouse, ademais, dentro da plataforma de moda con impacto positivo impulsada desde Slow Fashion Next, firmas sustentables, impulsadas na súa maioría por mulleres, "que quere facer deste planeta un lugar mellor no que vivir", segundo resaltan.
Escribe o teu comentario