O Seprona intervén en Arteixo marfil de elefante que se ofertaba a través de Internet
Os colgantes tallados en marfil vendíanse por 1.300 euros e carecen de documentación para acreditar a súa procedencia lexítima, polo que foron postos a disposición de Aduanas.
Efectivos do Seprona da localidade coruñesa de Arteixo procederon á aprehensión de dous colgantes tallados en marfil de elefante que se ofertaban en Internet.
Segundo informou o Instituto Armado, a intervención do marfil fíxose o martes. Ao propietario dos colgantes impútaselle a comisión dunha infracción á Lei de Contrabando pola tenencia e comercio de especies recollidas no Convenio de Washington do 3 de Marzo de 1973.
A Patrulla de Protección da Natureza en datas pasadas solicitara información que apuntaba que, a través dunha páxina da internet, "estaban a ofertarse uns colgantes tallados en marfil por valor de 1.300 euros", segundo indican as mesmas fontes.
Os colgantes, ao estar fabricados en marfil da familia dos 'elphantidae' e carecer de documentación para acreditar a súa procedencia lexítima, foron postos a disposición da Administración de Aduanas da Coruña en base á Lei de Represión do Contrabando.
Escribe o teu comentario