Ferido un mozo ao empotrar a súa furgoneta contra un camión de animais en Allariz
O sinistro tivo lugar sobre as 11,40 horas no quilómetro 204 da autovía A-52, en sentido Ourense.
Un mozo resultou ferido nun accidente de tráfico rexistrado este luns ao empotrar a furgoneta que conducía contra un camión na Autovía das Rías Baixas, a A-52, ao seu paso polo termo municipal de Allariz (Ourense).
Segundo informou o 112 Galicia, o sinistro tivo lugar sobre as 11,40 horas no quilómetro 204 da autovía A-52, en sentido Ourense. O servizo de emerxencias recibiu a chamada dun particular, que indicou que a furgoneta se empotrou contra o camión, que transportaba animais vivos.
Nun primeiro momento pensouse que o condutor da furgoneta quedara atrapado, polo que foron mobilizados varios equipos de excarceración. Finalmente, o mozo puido abandonar o vehículo coa axuda dos efectivos sanitarios, mentres que o condutor do camión resultou ileso.
O persoal do Centro de Atención ás Emerxencias do 112 alertou da situación aos Bombeiros de Xinzo e a Urxencias Sanitarias de Galicia-061. Tamén se alertou a Protección Civil e á Garda Civil de Tráfico.
En concreto, o 061, segundo indicaron a Europa Press fontes sanitarias, enviou ao lugar un médico de Atención Primaria e unha ambulancia asistencial que levou ao novo ferido o Hospital Cristal.
Escribe o teu comentario