A conselleira di que non houbo malos tratos na residencia A miña Casa de Pazos de Borbén e a CIG pide a súa dimisión
A conselleira de Política Social e Xuventude, Fabiola García, recoñeceu que os servizos de inspección detectaron deficiencias "de organización" na residencia A miña Casa de Pazos de Borbén (Pontevedra), pero asegurou que "en ningún caso teñen que ver co trato que reciben os usuarios".
As duras imaxes que filtraron familiares e traballadoras da residencia A miña Casa de Pazos de Borbén non se corresponden con situacións de malos tratos, segundo dixo hoxe Fabiola García no Parlamento.
A CIG organizou unha protesta fronte a residencia a semana pasada na que pediu a dimisión da mandataria, como responsable da Inspección. Hai anos que familiares e traballadoras protesta porque dicenque os inspectores da Xunta avisan ás residencias antes de realizar as súas visitas.
Foron os familiares de Vellez Digna e as traballadoras de TREGA as que primeiro alertaron á Xunta dos problemas no centro, que posteriormente Política Social confirmou, aínda que quitándolles ferro. A estratexia da conselleira no Parlamento hoxe foi a mesma, acusando aos que cuestionan o labor da Inspección de alarmistas.
A conselleira de Política Social e Xuventude, Fabiola García, recoñeceu que os servizos de inspección detectaron deficiencias "de organización" na residencia A miña Casa de Pazos de Borbén (Pontevedra), pero asegurou que "en ningún caso teñen que ver co trato que reciben os usuarios".
García compareceu obrigada por unha pregunta do Bloque. A polémica xurdiu cando Vellez Digna, colectivo de familiares, e TREGA, colectivo de traballadoras, fixeron pública unha denuncia que días antes remitira á Consellería.
Nela alertaban das supostas graves carencias no coidado dos maiores, incluída a falta de suficiente persoal sanitario e asitencia, e nas condicións materiais e a alimentación do centro. A Xunta non atendeu á súa petición de intervención da residencia, aínda que si abriu expediente a Rapesua, a empresa xestora.
Estes son algúns dos documentos que formaban parte da denuncia inicial:
Pola súa banda, Rapesua, tras uns días de silencio, reaccionou negando carencias máis aló de problemas puntuais, desmentindo a veracidade das imaxes e ameazando aos medios que se fixeron eco das denuncias dos citados colectivos:
A dirixente respondeu este mércores no Parlamento galego a unha pregunta formulada pola viceportavoz do BNG, Olalla Rodil, quen levou ao pleno as denuncias do colectivo Traballadoras de Residencias de Galicia (Trega) sobre a "deficiente alimentación" dos maiores e a "falta de persoal" no centro, entre outras cuestións.
Neste contexto, a titular de Política Social lembrou que ao longo do mes de maio, despois de que a denuncia inicial entrase por rexistro, houbo "varias inspeccións" conxuntas do seu departamento e de Sanidade, a partir das cales se detectaron "varias carencias", que non concretou, e a Administración abriu un expediente por cuestións "de organización" e non "de trato" aos maiores.
CRÍTICAS A CRITÍCANOS
Así, García reivindicou "a independencia e profesionalidade" do servizo de Inspección, á vez que acusou á viceportavoz nacionalista de "atacar aos profesionais" das residencias e de crear "alarmismo".
Non en balde, prometeu que a Consellería analiza "todas as denuncias e queixas" que lle chegan en relación cos xeriátricos e lembrou que o plan de inspección para este 2022 contempla un aumento dun 10 por cento das visitas a residencias, "ata superar as 1.500, para que todos, absolutamente todos os centros, sexan da titularidade que sexan, ofrezan unha atención de máxima calidade".
RELACIÓNS DE RESIDENCIA CO PPDEG
O apoderado do grupo da residencia acusada de "malos tratos", A miña Casa (Pazos de Borbén), é irmán dun cargo da Consellería de Política Social e ex-alcalde do PP. O perfil de Twitter da responsable da residencia A miña Casa foi borrado despois de que se publicase unha foto del, na que Lucíad Pedroso retratábase co presidente da Xunta.
Escribe o teu comentario