Fredi Leis presenta o seu novo disco, Temas Privados, a próxima semana no Corte Inglés de Santiago

O próximo mércores 25 de maio, O Corte Inglés de Santiago de Compostela acollerá a Fredi Leis. O artista presentará o seu novo traballo “Temas Privados”.

O evento de presentación celebrarase ás 18.00 h, na planta baixa do centro. Ao finalizar a actuación, o cantante asinará o seu novo disco. 

Leis é un intérprete, músico e compositor galego que desde pequeno empeza a tocar o piano de maneira autodidacta. Dáse a coñecer na plataforma dixital Souncloud conseguindo centos de miles de escoitas. Percorre salas e teatros do circuíto nacional de cantautores, esgotando todas as localidades. Despois de ser teloneiro das xiras de Alejandro Sanz, Malú e Rozalén, en 2018, estrea o seu primeiro disco. 

O seu primeiro single ‘Bolboretas’ convértese nun dos seus temas máis recoñecidos. Logo veu ‘Sálvache’ ou ‘Apenas’ que acumulan millóns de reproducións en Spotify e Youtube. 

"Temas Privados" é o segundo álbum de estudo do cantante, un proxecto con 10 cancións inéditas compostas desde cero por e para este disco. En cada canción hai pinceladas e trazos de diferentes xéneros, coa súa propia historia, a súa propia paisaxe e contexto. Segundo palabras do propio artista este disco é "o resultado destes últimos 2 anos buscando dentro de min o que quería contar e como o quería contar. Foron moitos días e moitas noites escribindo diante dun piano, un micrófono, un caderno e un computador; explorando, coñecéndome e entendéndome ata atopar a melodía exacta e as letras máis fieis ao que estaba a sentir en cada momento".