Sospeitas de salmonelosis levan á retirada de moitos produtos de Kinder

No caso de ter síntomas como dor de cabeza ou diarrea tras consumir esta marca sanidade recomenda acudir ao centro de saúde.

Foto de arquivo de Kinder Sorpresa/ Calamity Meg   CC BY-NC-ND 2.0. 

A Axencia Española de Seguridade Alimentaria e Nutrición (AESAN) ordenou a retirada de determinados lotes de produtos Kinder fabricados en Bélxica tras ser informada por os Servizos da Comisión Europea a través da Rede de Alerta Alimentaria Europea (RASFF), da retirada precautoria deses lotes en relación cun brote de toxiinfección alimentaria en varios países causadas por 'S. Typhimurium monofásica'.

As autoridades sanitarias engaden que están a solicitar información para coñecer se existe algún caso en España relacionado con brote europeo. Mentres tanto, recomendan ás persoas que teñan no seu domicilio os produtos incluídos nesta alerta abstéñanse de consumilos e devólvanos ao momento de compra.

No caso de consumir estes tipos de produtos dos lotes afectados e presentar algunha sintomatoloxía compatible con salmonelosis (principalmente diarrea e / ou vómitos acompañados de febre e dor de cabeza) as autoridades aconsellan acudir a un centro de saúde.

As autoridades competentes de Cataluña, onde se sitúa a empresa distribuidora dos produtos en España, notificaron á AESAN a través do Sistema Coordinado de Intercambio Rápido de Información (SCIRI) a retirada precautoria no territorio español dos produtos afectados.

A empresa, pola súa banda está a proceder á comunicación aos seus clientes, solicitando a inmobilización nos seus almacéns e a retirada do mercado.

Os produtos afectados son os seguintes:

KINDER SORPRESA CAIXA DE OVOS de 6 unidades edición Nadal con debuxos do Nadal no pack (peso total 120g)
Data de consumo preferente 20/04/2022

KINDER SCHOKOBONS, peso 46g, 200g, 225g e 500g
Datas de consumo preferente comprendidas entre o 26/05/2022 e o 21/08/2022

KINDER SCHOKOBONS WHITE, peso 200g

Datas de consumo preferente comprendidas entre o 26/05/2022 e o 21/08/2022

KINDER SORPRESA MAXI, peso 100g
Datas de consumo preferente comprendidas entre o 26/05/2022 e o 21/08/2022

KINDER HAPPY MOMENTS, peso 133g e 191g
Datas de consumo preferente comprendidas entre o 26/05/2022 e o 21/08/2022

A empresa informou de que o resto de ovos Kinder Sorpresa de calquera formato, o Kinder Gran Sorpresa e todo o resto de marcas Kinder, non están implicados na retirada.

Esta información foi trasladada ás autoridades competentes das comunidades autónomas a través do Sistema Coordinado de Intercambio Rápido de Información (SCIRI), co obxecto de que se verifique a retirada dos produtos afectados das canles de comercialización.