(VÍDEO) Un cazador dispara cara a unha estrada en plena batida: "E se matan a un senderista?"

O vídeo, difundido pola conta 'Vos cazadores de Moraña' suscitou unha gran polémica en redes polo perigo das imagenes.

Desde UXT Forestais denuncian que ese tipo de accións están "terminantemente prohibidas" mentres outros lembran episodios recentes de accidentes en batidas de caza.

Dicía o humorista Chris Rock que se as balas custasen 5.000 dólares cada unha non habería mortes accidentais. "Cada vez que soase un disparo pensariamos: 'Seguro que fixo algo terrible'". Iso é no mundo perfecto da broma, pero no mundo real as balas son máis baratas do que pensamos e práticamente están ao alcance de calquera. Por iso vemos imaxes como as que denuncia Rubén Pérez, membro da Fundación Franz Weber, onde se ve a un cazador en Galicia disparando sen sentido contra unha estrada.

As imagenes, difundidas pola canle de Youtube 'Vos cazadores de Moraña', foron gravadas o pasado mes de xaneiro. Nelas vese a dúas persoas, unha xe elas armada cunha escopeta, nun carreiro polo monte, nalgún punto de Galicia. Os homes chegan a unha estrada asfaltada e, desde un lado da vía, xusto nunha curva, dispara á nada dirección á estrada.

Aparentemente, na imaxe dispara xusto a un tramo no que parece haber un cambio de rasante, o que fai aínda máis impredicible contra que ou se dispara contra algo. Con todo, si parece evidente que se trata dunha zona con escasa visibilidade e pola que podería transitar calquera. 

"E se matan a un senderista? Provocan un accidente?", cuestiona Pérez, que tacha as imaxes de ser de "un perigo tremendo". Desde a conta de UXT Forestais lembran que está "terminantemente prohibido" ese tipo de accións na contorna no que se desenvolven. 

"Cando Ángeles Vázquez (conselleira de Medio), Belén do Campo (Directora Xeral de Patrimonio Natural) e a Federación de Caza de Glaicia se dignen a finalizar o regulamento de caza, que vai para 10 anos sen entrar en vigor, quedará moito máis claro que esa actuación está totalmente prohibida. Sen regulamento de caza hai tremendos defectos na seguridade na caza!", denuncia un usuario que se identifica como axente ambiental adscrito á Dirección Xeral de Patrimonio Natural.

Outros usuarios de Twitter piden identificar o infractor e sancionalo con "unha boa multa", mentres que algún lembra os episodios de accidentes de caza rexistrados recentemente en Galicia. Un exemplo disto son a  muller ferida en Xinzo polo disparo dun cazador mentres paseaba, hai apenas dúas semanas, o cazador ferido polo disparo dun compañeiro en Zas, ou un cazador ferido pola súa propia arma por mor dun disparo accidental.