Entrevistamos ás Tanxugueiras: "Estamos orgullosas da nosa lingua, da nosa tradición, de ser pandeireteiras"

As Tanxugueiras @ep

A semana que vén terá lugar o Beniform Fest, onde se escollerá ao próximo representante de España en Eurovisión 2021.  O renovado Festival de Benidorm contará con 14 cantantes e grupos musicais que competirán - no mellor dos sentidos- por representar ao país en Turín o próximo maio. RTVE conseguiu armar unha selección musical que brilla pola súa calidade e pluralidade, pero neste medio temos unhas favoritas claras. Nesta editorial, que editamos medios en catalán, galego e castelán, hai unha candidatura que cumpre todos os requisitos para converterse na máis consentida polos xornalistas que traballan en PressDigital Group: as máxicas Tanxugueiras. 

Para quen non as coñeza, trátase dun grupo musical que rescata as raíces de o folclore galego mesturándoas cunha produción 100% coidada e actual. As Tanxugueiras, coa súa música, tratan de homenaxear ás mulleres galegas que sen sabelo foron grandes artistas. Na súa candidatura a para o Benidorm Fest, Terra, trasládannos á foliada, unha festa onde os galegos se reunen para tocar, cantar e bailar. Ademais, tiveron un pequeno detalle para as demais linguas cooficiais de España, engadindo unha frase en eúscaro e outra en catalán á súa canción. 

Este xoves traémosvos unha pequena entrevista con Tanxugueiras, que agora mesmo esten liadísimas preparando a súa posta en escena para o Benidorm Fest. Con todo, como elas son divinas e sempre están predispostas a atender aos medios, conseguiron sacar un pouco de tempo para charlar con CatalunyaPress e GaliciaPress: 

P: Como afrontades a posta en escena no Benidorm Fest? Pódese dar algunha pista? 

R: Estamos moi contentas co traballo para poder presentar un espectáculo sorprendente. E non, non haberá lume no escenario. Contamos cun equipo de profesionais de primeiro nivel, de Galicia, fundamentalmente mulleres. Estamos contentas por poder compartir con elas este proceso e esperamos que o público goce dun espectáculo que, para nós, será un orgullo, porque poñerá o foco sobre a nosa cultura e tradición.  
 
P: Que significaría para vós ir a Eurovisión cantando nunha lingua cooficial española? Sentides que, en certa forma, tamén representades aos cataláns e aos vascos? 

 R: É unha oportunidade histórica que, por primeira vez, as linguas oficiais teñan un lugar protagonista. Para nós o natural é vivir, cantar, sentir en galego. Como non imos gozar de poder mostrar a nosa cultura ao mundo enteiro?  

Estamos orgullosas da nosa lingua, da nosa tradición, de ser pandeireteiras. Por suposto que queremos poñer en valor que vivimos nun territorio cunha diversidade lingüística e cultural plural. O saber, a cultura, o coñecemento, é riqueza. Por iso tentamos incluír as linguas oficiais en Terra, para demostrar que é posible esta convivencia. Aínda que nós cantemos en galego, estes anos colaboramos con artistas de Euskadi e de Catalunya. E seguiremos facéndoo.  

P: De momento na vosa páxina web hai programados concertos en Vigo e A Coruña. Tedes plans para percorrer a península e especialmente, Catalunya? 

R: O próximo 26 de marzo arrincamos a xira Midas de presentación do noso terceiro disco. As entradas para A Coruña e Vigo xa están esgotadas (esgotáronse en menos de 10 horas), pero nas próximas semanas anunciaremos novas datas en toda a península. O primeiro gran festival no que participaremos será o SanSan, en Benicàssim, no mes de abril. E oxalá podamos volver pronto a Catalunya. Este ano actuamos en Manresa e temos ganas de volver á vosa terra.