Vigo (+656) e A Coruña (+365) lideran a alza do covid por concellos nunha Galicia onde todas as áreas empeoran
A nivel galego a tendencia de casos activos é hoxe á alza, despois de onte o SERGAS purgara miles de casos activos ao incorporar 24.000 altas nunha soa tacada. O resultado é que todas as áreas hoxe volven recuperar o seu ascenso tras o artificial descenso de onte. Confírmase pois que as caídas do xoves foron un mero borrón estatístico produto da nova estratexia de mitigación da pandemia.
O empeoramento da tendencia do coronavirus en Galicia hoxe contribúe a que o mapa de incidencia semanal por municipios tíngase aínda máis de negro. Os concellos con menos de 250 positivos por 100.000 habitantes pódense contar cos dedos e son case todos moi pequenos e do sur de Ourense. Son sete: Muras (Lugo) e os ourensáns de Oimbra, Calvos, Quintela de Leirado, Texeira e Beade. Só Muras, Teixeira e Beade non sufriron ningún positivo esta semana.
Hai que lembrar que os niveis que usa o mapa de incidencia acumulada de Galiciapress son os do anterior semáforo oficial, vixente ata finais de novembro. Máis dun mes despois, a Xunta segue sen aplicar os criterios do novo semáforo ás súas cifras municipais, impedindo á cidadanía acceder á información máis exacta. En termos xerais, o novo semáforo eleva ao dobre as pinzas respecto ao anterior. Por exemplo, a nova normalidade -transmisión controlada na nova nomenclatura- dura ata 20 e non ata 10.
Nota metodolóxica.- Cando un municipio ten menos de 10 positivos á semana, a Xunta non concreta cantos diagnósticos houbo, só indica "entre 1 e 9". Isto impide calcular a razón de taxas ou canto cambia o cómputo semanal dun día a outro. Esta opacidade afecta sobre todo os municipios máis pequenos, pois é onde é máis difícil que haxa 10 ou máis positivos a a semana. Con todo, en épocas de moi pouca incidencia, esta opacidade afecta tamén a concellos máis grandes, porque as urbes empezan tamén a sumar menos de 10 á semana.
VARIACIÓN SEMANAL
A razón de taxas permítenos saber se un territorio está a gañar ou perdendo positivos desde unha perspectiva semanal. Por exemplo, a razón de taxas de Galicia é de 1,12; o que quere dicir que na última semana houbo un 12% máis de positivos que na penúltima.
Os municipios con máis de dez positivos á semana e onde os positivos están baixando desde un punto de vista semanal (pois a razón de taxas é inferior a 1) aparecen en diferentes tonalidades de verde no mapa da razón de taxas. Canto máis escuro é ese verde, máis pronunciado é a melloría semanal. Por exemplo, o que máis mellora é Pantón, cunha razón de taxas de 0,56, o que equivale a unha melloría do 44%. Ningunha cidade está a conseguir unha tendencia semanal á baixa.
Os municipios con máis de dez positivos á semana e onde os positivos están a subir desde un punto de vista semanal (pois a razón de taxas é superior a 1) aparecen en diferentes tonalidades de vermello no mapa da razón de taxas. Canto máis escuro ese vermello, máis pronunciado é o empeoramento semanal. Podemos comprobar por exemplo que Vigo é a cidade que máis está a empeorar, cun 27% máis de positivos que a semana pasada, seguida de Santiago, cun 25% máis e A Coruña cun 22% máis.
Os municipios con máis de dez positivos á semana e onde os positivos están estancados desde o punto de vista semanal, pois a razón de taxas é xusto 1, aparecen en branco no mapa da razón de taxas. Por exemplo, hoxe Mesía e Xermade.
En municipios que teñen menos de 10 positivos á semana é imposible calcular a razón de taxas. Son os que aparecen en gris no mapa. Por exemplo hoxe case todos os situados entre Celanova e a fronteira con Portugal.
VARIACIÓN DIARIA
Comparando o cómputo semanal dun territorio hoxe co seu cómputo semanal onte, non podemos saber cantos novos positivos saltaron no último día, pero si cal é a tendencia máis recente da pandemia nesa localidade.
Lembrando que nos municipios onde non hai 10 ou máis positivos á semana non é posible calcular este índice, os concellos que máis empeoran hoxe o seu cómputo semanal respecto a ese cómputo onte son:
- BOQUEIXON +10
- NEGREIRA +10
- BARALLA +10
- BARBADAS +10
- PONTECESURES +10
- SOUTOMAIOR +10
- MALPICA DE BERGANTIÑOS +11
- MIÑO +11
- VEDRA +11
- XOVE +11
- CUNTIS +11
- MORAÑA +11
- PORTAS +11
- OROSO +12
- OUTES +12
- PAZOS DE BORBEN +12
- ABEGONDO +13
- CAMARIÑAS +13
- RIBADEO +13
- CALDAS DE REIS +13
- SILLEDA +13
- CABANA DE BERGANTIÑOS +14
- SANTA COMBA +14
- NEVES (AS) +14
- ROSAL +14
- VILANOVA DE AROUSA +14
- BERGONDO +15
- BAIONA +15
- LARACHA +16
- CERDEDO-COTOBADE +16
- PADRON +17
- GUITIRIZ +17
- MEAÑO +17
- POBRA DO CARAMIÑAL A +18
- RIANXO +18
- MACEDA +18
- BETANZOS +19
- CARRAL +19
- ESTRADA A +19
- FOZ +21
- SARRIA +22
- CAMBADOS +22
- VIMIANZO +23
- VILALBA +23
- VERIN +23
- POIO +23
- RIBADUMIA +23
- FERROL +24
- CERVO +24
- ORDES +27
- MARIN +27
- BUEU +28
- GARDA (A) +28
- AMES +30
- SADA +30
- SALVATERRA DE MIÑO +30
- NOIA +31
- BURELA +31
- TOMIÑO +32
- PORRIÑO (O) +34
- PONCHE-CALDELAS +35
- MOS +36
- TEO +37
- SALCEDA DE CASELAS +37
- NIGRAN +39
- GONDOMAR +41
- CAMBRE +43
- RIBEIRA +44
- VIVEIRO +46
- LALIN +49
- NARON +52
- SANXENXO +53
- BOIRO +55
- ILLA DE AROUSA +56
- ARTEIXO +58
- CULLEREDO +58
- OLEIROS +62
- CARBALLO +64
- VILAGARCIA DE AROUSA +66
- TUI +69
- MOAÑA +72
- REDONDELA +77
- PONTEAREAS +79
- CANGAS +90
- OURENSE +103
- PONTEVEDRA +131
- LUGO +135
- SANTIAGO DE COMPOSTELA +168
- CORUÑA (A) +365
- VIGO +656
E os poucos concellos que logran baixar o seu cómputo semanal hoxe respecto a ese cómputo onte son:
- MEZQUITA (A) -10
- GROVE O -9
- CARIÑO -7
- RABADE -7
- PONTEDEUME -6
- ROIS -5
- MONFORTE DE LEMOS -5
- OUROL -5
- XINZO DE LIMIA -4
- PANTON -3
- PONTENOVA (A) -3
- LOURA -3
- SOMOZAS -2
- TRAZO -2
- CASTROVERDE -2
- CARBALLEDA DE AVIA -2
- LAZA -2
- SARREAUS -2
- CEDEIRA -1
- CURTIS -1
- SAN SADURNIÑO -1
- SOBER -1
- ARNOIA -1
- NOGUEIRA DE RAMUIN -1
- RAMIRAS -1
- SANDIAS -1
- VILAMARIN -1
TODOS Os MUNICIPIOS
A evolución dos positivos en todos os concellos de Galicia pode consultarse no buscador desta táboa.
EVOLUCIÓN DOS CASOS ACTIVOS POR ÁREA
A nivel galego a tendencia de casos activos é hoxe á alza, despois de onte o SERGAS purgara miles de casos activos ao incorporar 24.000 altas nunha soa tacada. O resultado é que todas as áreas hoxe volven recuperar o seu ascenso tras o artificial descenso de onte. Confírmase pois que as caídas do xoves foron un mero borrón estatístico produto da nova estratexia de mitigación da pandemia.
POSITIVOS HOXE E PRESIÓN HOSPITALARIA POR ÁREA
Segundo os datos actualizados na mañá deste venres pola Consellería de Sanidade con rexistros ata as 18,00 do xoves, descenden a 53 as persoas ingresadas en UCI pola Covid-19 en Galicia --catro menos--, pero aumentan a 488 as hospitalizadas noutras unidades --31 máis--, mentres que 64.240 pacientes atópanse en seguimento no seu domicilio.
Por áreas sanitarias, a presión hospitalaria alíviase de novo na de Vigo, onde baixan a 10 os pacientes Covid en UCI --tres menos-- e a 77 os hospitalizados noutras unidades --dúas menos--; mantense na de Ferrol e aumenta nas outras cinco.
Deste xeito, na da Coruña e Cee soben a 16 os pacientes Covid ingresados en UCI --uno máis-- e a 118 os doutras unidades --15 máis--; mentres que na de Ourense aumentan a sete o críticos --un máis-- e a 75 os doutras unidades --cinco máis--.
Na de Santiago e Barbanza mantéñense sete ingresados por este coronavirus en UCI e aumentan a 73 os doutras unidades --catro máis--, e na de Lugo, aínda que descenden a tres o críticos --un menos--, soben a 50 os doutras unidades --cinco máis--.
Polo seu lado, na área de Pontevedra e O Salnés descenden a sete os pacientes Covid en UCI --uno menos--, pero aumentan a 63 os doutras unidades --tres máis--. En canto á de Ferrol, redúcense a tres o críticos --un menos--, mentres soben a 32 os hospitalizados noutras unidades --uno máis--.
Escribe o teu comentario