Faise pasar por youtuber para tocarlle o cu a unha muller durante unha falsa entrevista en Vigo
O que empezou como un encontro supostamente fortuíto acabou cun suposto abuso sexual nunha zona arborizada do núcleo urbano de Vigo.
O que empezou como un encontro supostamente fortuíto acabou cun suposto abuso sexual nunha zona arborizada do núcleo urbano de Vigo.
Zona arborizada en Pi i Maragall
Os feitos ocorreron o 31 de marzo de 2021 cando o acusado abordou na rúa Pi e Margall a unha muller á que non coñecía para pedirlle a hora. A continuación, estableceu conversación con ela e aseguroulle que era 'youtuber', á vez que lle pedía entrevistala.
Ambos se foron a unha zona da rúa onde había bancos e árbores para manter esa charla, na que o acusado a interrogou sobre a súa vida sexual, preguntándolle cousas coma se era fiel á súa parella, con que frecuencia mantiña relacións sexuais, e cuestións dese estilo.
O home mostroulle un vídeo doutro 'youtuber' que facía ese tipo de entrevistas e logo fíxolle unha proposta sexual, preguntándolle canto diñeiro querería a cambio de "facer algo con el". A muller rexeitou a súa proposta e o mozo pediulle entón facerse unha foto xuntos.
Nese momento, o acusado activou o temporizador da cámara de fotos do seu teléfono, sentou á beira dela e tocoulle o cu sen o seu consentimento "con ánimo de atentar contra a súa liberdade sexual".
Por estes feitos, o ministerio público considera ao procesado autor dun delito de abuso sexual e pide que sexa condenado ao pago dunha multa de 3.000 euros. Tamén reclama que indemnice á muller en 300 euros polos danos morais.
Escribe o teu comentario