Alfredo García e Paloma Castro inician as súas campañas para liderar aos socialistas de Ourense e Pontevedra respectivamente

O PSdeG, en Ourense e Pontevedra, celebrará pronto as súas primarias para confirmar unha nova figura que lidere aos socialistas de ambas as provincias.


|

O PSdeG, en Ourense e Pontevedra, celebrará pronto as súas primarias para confirmar unha nova figura que lidere aos socialistas de ambas as provincias.


Alfredo García, pola auriense, e Paloma Castro, pola pontevedresa, iniciaron este sábado a súa carreira.


O alcalde do Barco de Valdeorras, Alfredo García, presenta na sede do PSdeG en Santiago os avais para aspirar a liderar o PSOE na provincia de Ourense.

Campaña de Alfredo Rodríguez | Foto: EP


En Ourense, para liderar aos socialistas da provincia, Alfredo García presenta batalla para substituír a Rafael Rodríguez Villarino. O alcalde do Barco de Valdeorras presentou os 236 avais necesarios para concorrer nas primarias do 23 de xaneiro.


García mostrouse “esperanzado” neste proceso tras catro días de recollida de firmas nas que practicamente dobrou as necesarias e que lle reportou “unha experiencia marabillosa”. Nese sentido, manifestou que a militancia está “desanimada”. "Falo dos militantes do montón, das pequenas agrupacións pero tamén das grandes, onde hai unha decepción, unha falta de sintonía coa dirección", comentou.


"Para min é un orgullo. Eu levo toda a vida sen ningún tipo de dúbida neste partido. Sinto este partido, quero a este partido e quero o mellor para este partido", subliñou, á vez que indicou a “difícil” que é loitas contra “o poder establecido”.

PONTEVEDRA

Mentres, Paloma Castro, candidata como García pero para liderar aos socialistas pontevedreses, lanzouse este sábado a unha campaña “estilo Pedro Sánchez”, ao que apoiou na súa carreira á secretaría xeral do partido, cun proxecto “de esquerdas e á beira da militancia”.


A deputada arrinca a súa campaña no Baixo Miño cunha candidatura marcadamente feminista co obxectivo de “seguir avanzando nos próximos retos electorais”. A recuperación económica, defensa dos servizos públicos ou a igualdade son aspectos clave do programa de Castro.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE