Rubén Diz e Begoña Domínguez impóñense na 15K Nocturna de Ourense

Os dous atletas repiten despois de conquistar esta competición en edicións anteriores.

V Edición da 15K Nocturna Ourense Banco Mediolanum

A V Edición da 15K Nocturna Ourense Banco Mediolanum xa ten novos campións. Bo, novos é un dicir, porque Rubén Diz e Begoña Domínguez, gañadores en edicións anteriores, coroáronse no alto do podio nas categorías masculina e feminina, respectivamente.

Neste 2021 participaron case medio milleiro de deportistas nesta carreira emblemática que destaca polo seu aspecto solidario: todos os participantes doan un euro á 'Asociación Juan Soñador', entidade que axuda aos nenos no reforzo social educativo.

Na carreira nocturna, que partiu desde a Ponte Romana ata o Centro Comercial Ponche Vella, acompañaron a Diz no segundo e terceiro caixón Jonathan Fernández e Manuel Casado, mentres que Cora Zaborgo e Uxía Domínguez saíron con Begoña Domínguez na foto de gañadores.