Cortes na AP-9 por barricadas de lume os traballadores de Ence á altura de Pontevedra (vídeos)
Grupos de traballadores de Ence cortaron o tráfico nos accesos a Pontevedra e fixeron barricadas coa queima de pneumáticos, no marco das súas protestas en defensa da prórroga da concesión da fábrica pasteira en Lourizán.
Os asalariados primeiro protestaron pola zona vella fronte ao Concello e a Subdelegación do Goberno e pouco despois compañeiros cortaban os accesos á cidade.
Barricada dos traballadores de Ence en Pontevedra nunha foto de @ComisionOctubre
Barricada dos traballadores de Ence en Pontevedra nunha foto de @CeaPontevedra
En concreto, sobre as 8,30 horas cortaron o tráfico na rotonda ante a fábrica, interrompendo a circulación na autovía de Marín, que enlaza coa AP-9, e na entrada á cidade pola N-550.
A situación obrigou a reorganizar o tráfico. Tamén acudiron á delegación territorial da Xunta, que abandonaron para desprazarse ao Concello e á Subdelegación do Goberno.
Escribe o teu comentario