Protesta porque o Centro de Saúde de Monfero funciona sen médicos e o SERGAS di que non dá fichado máis

|

Os monferinos levan xa tres sábados seguidos sen atención dun facultativo no seu centro de saúde tras a xubilación dun galeno


Protesta de veciños de Monfero pola falta de mu00e9dicos nunha foto de Julian Dorie

Protesta de veciños de Monfero pola falta de médicos nunha foto de Julian Dorie


Veciños de Monfero (A Coruña) concentráronse este xoves ás portas do centro de saúde desta localidade para pedir que se cubra de maneira permanente a praza dun dos médicos do ambulatorio, xubilado a mediados de maio.


PERSOAL DE REFORZO 

Os monferinos, que desde hai semanas recollen firmas para pedir unha solución, lembran que o municipio é moi extenso e a súa poboación, "envellecida". "Ademais", explicou Luz Tojeiro, unha das portavoces dos veciños, "moitos deles son dependentes, polo que se a médica ten que saír a atender a un deles, o centro queda sen facultativo".

Tojeiro afirma que tras a xubilación dun dos dous médicos que atenden o centro do municipio, a área Sanitaria de Ferrol puxo un reforzo dous días á semana durante unhas horas, pero "esa medida apenas durou unhas semanas".

REFORZO ATA XUÑO
Así, a mediados de xuño, sinalou, "deixaron de enviar ese reforzo", e quedou só un médico. A isto súmase, apunta, que a facultativa do ambulatorio está de vacacións e, "de feito", engade, "hoxe, por exemplo, non hai ningún". Ademais, lembra unha das portavoces dos veciños, levan "xa tres sábados sen atención médica".

Por parte da área Sanitaria, afirma Tojeiro, explicóuselles que non se pode cubrir a praza "por falta de médicos", unha circunstancia que os veciños aseguran "poder entender", pero, insisten, "tampouco" poden "estar desatendidos".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress