Traxedia antes dun deshaucio: Morre a nai e o fillo está ferido en posible incendio intencionado en Sigüeiro

A Xustiza ía a deshauciar do seu fogar este mediodía, pero horas antes empezou un incendio, polo que se sospeita de que as chamas poden ser provocadas adrede

De feito, o fillo está custodiado pola Garda Civil como sospeitoso de homicidio, a pesar de que está ingresado grave no CHUS de Santiago

Incendio en Sigueiro en unha imaxe da CRTVG 

Unha muller duns 60 anos de idade faleceu no incendio dun piso en Sigüeiro --Oroso (A Coruña)-- rexistrado na mañá deste venres, xornada na que se ía a producir o deshaucio da vivenda.

A Garda Civil investiga as causas do lume rexistrado nesta vivenda da rúa Rosalía de Castro que, segundo os primeiros indicios, puido ser provocado polo fillo da falecida, de 39 anos e que residía no piso coa súa nai.

O home foi trasladado polos efectivos de Urxencias Sanitarias 061 con feridas graves ao Hospital Clínico de Santiago, onde se atopa custodiado por axentes do Instituto Armando.

DOUS FERIDOS APAGANDO O LUME

O suceso tivo lugar ao redor das 11,20 horas deste venres en Sigüeiro. Segundo fontes próximas ao caso, o cadáver da muller foi localizado no interior da vivenda unha vez apagadas as chamas, tarefas nas que resultaron feridos dous operarios afectados polas altas temperatuas alcanzadas no interior do inmoble.

O incendio, do que alertaron aos servizos de emerxencias veciños da zona, produciuse nun piso que ía ser desafiuzado por orde xudicial na mañá deste venres.

O operativo despregado continúa traballando na zona para evitar a propagación das chamas e lograr sufocar por completo o incendio.