Vandalismo antifeminista e contra Yolanda Díaz no barrio natal da ministra de Traballo en Fene

As pintadas cargan contra a Axenda 2030 e a súa descarbonnización  da economía, un compromiso internacional que contribúe, por exemplo, a o peche da térmica de Endesa As Pontes, na mesma comarca que Fene

O feminismo é outro dos obxectivos dos vándalos, que esnaquizaron varios murais relativos ao 8 de Marzo Día da Muller Traballadora

O baixo dun edificio situado no barrio de San Valentín de Fene (A Coruña), lugar de nacemento da vicepresidenta terceira, Yolanda Díaz, amenceu na mañá deste mércores cunha pintada que cualifica á política de "traidora á clase obreira".

'Yolanda Díaz, traidora á clase obreira. Non á axenda 2030', di a mensaxe da pintada, que foi denunciada polo goberno municipal, formado por un tripartito liderado polo BNG e do que tamén forman parte PSOE e Esquerda Unida, formación á que estivo ligada Díaz ata hai un ano.

BARRIO DE TRABALLADORES DO ESTALEIRO
O lugar no que apareceu esta mensaxe é o barrio onde a agora vicepresidenta terceira do Executivo estatal naceu no ano 1971. De feito, Yolanda Díaz, filla do histórico dirixente sindical Suso Díaz, chegou a soster que foi a primeira nena que veu ao mundo no barrio de San Valentín, xa que se trata dunha urbanización que se desenvolveu a finais da década dos 60 e que se ocupou a principios dos 1970 por familias de traballadores da antiga Astano, hoxe Navantia Fene.

O goberno municipal ha trasladado a través de un comunicado que esta pintada e outras aparecidas nas últimas horas sobre murais do 8 de Marzo, con pintadas antifeministas, xa foron denunciadas ante a Garda Civil e tamén se deron traslado á Policía Local para tratar de localizar ao seu autor ou autores.

Ademais, desde o equipo que lidera o alcalde, Juventino Trigo, estiman que esta acción "vai máis aló dun simple acto vandálico" e que estamos ante "un espectáculo vergoñoso e dunha gran covardía", en alusión ás catro pintadas realizadas nas últimas horas.

Outra das pintadas contra a descarbonización en Fene nunha foto do Concello