O comité clínico abre a porta para relaxar os límites ás reunións, tanto en exteriores como en interiores

Desde a Xunta, o presidente Feijóo insiste en actuar "con produencia", pero estima que para xullo ou agosto xa podería haber novidades en torno ao uso da máscara. 

"Neste momento pensamos que no mes de xullo sería razoable, como moito en mes de agosto, en función da situación epidemiolóxica e do incremento da vacina", razoa Feijóo.

Reunións en terrazas | Foto: EP

O comité clínico que asesora á Xunta na xestión da pandemia da covid-19 volverá reunir a comezos de semana e avaliará relejar as medidas que afectan as reunións, que na actualidade están restrinxidas a seis persoas en espazos exteriores e a catro en interiores.

Así o avanzou o presidente do Goberno galego, Alberto Núñez Feijóo, nunha entrevista concedida este domingo á Cadea Ser e recollida por Europa Press. O mandatario confirmou que esta cuestión estará encima da mesa do comité clínico unha vez os expertos avalíen os datos epidemiolóxicos desde a caída do estado de alarma e a apertura dos restaurantes ata a 1,00 da madrugada a fin de semana do 7 ao 9 de maio.

Ademais, Feijóo abordou a hipótese de relaxar o uso da máscara en espazos ao aire libre, unha cuestión que xa "forma parte do debate nacional" porque se debe ir "valorando con prudencia e con proporcionalidade á situación epidemiolóxica de cada comunidade".

"Neste momento pensamos que no mes de xullo sería razoable, como moito en mes de agosto, en función da situación epidemiolóxica e do incremento da vacina", recalcou, aínda que seguidamente dixo que "pode ser un pouco antes se as vacinas chegan con maior intensidade".

En calquera caso, lembrou que a obrigatoriedade da máscara "está regulada por lei" a nivel estatal, polo que se necesitaría "autorización do Goberno central".

Neste sentido, Feijóo propuxo que ou ben se retire para toda España de maneira homoxénea ou ben "en función dos criterios epidemiolóxicos de cada comité clínico de cada comunidade autónoma", a opción que lle parece "máis sensata".

A "LEA" CON ASTRAZENECA

Así mesmo, o presidente da Xunta lamentou a "lea" que ao seu xuízo foi "provocado" polo Ministerio de Sanidade co debate da segunda dose da vacina de AstraZeneca para os menores de 60 anos que recibiran a primeira desta marca.

A pesar de que o Instituto Carlos III avalase a inmunización completa empregando Pfizer, Feijóo lembrou que tanto a Axencia Europea do Medicamento como "as sociedades científicas máis relevantes" dixeron que "o lóxico" é usar "a mesma vacúa".

"É o que expuñamos algunhas comunidades autónomas, incluída Galicia", apostilou.

Por iso, aínda que serán os pacientes os que elixan cun consentimento informado que segunda dose queren recibir, a Xunta considera que deben completar a súa pauta "coa mesma vacúa" da primeira dose.

SUBMINISTRACIÓN DE VACINAS

"Se o problema é un problema de subministración, o lóxico é que lle digamos á xente que hai un problema de subministración con AstraZeneca, pero o que non debemos dicirlle á xente é que o mellor é cambiar a vacina", subliñou.

Ao fío diso, dixo que a Xunta "necesita saber, como mínimo, cantas vacúas de AstraZeneca" chegarán a Galicia en xuño e en xullo, para seguidamente criticar a política de "falta de información completa" que practica o Ministerio.

Así, queixouse de que "soamente" saben as doses que levan "cada luns" e, aínda que logo si hai unha estimación mensual, "ningún mes cumpriuse".

UN VERÁN "DISTINTO"

Así a todo, Feijóo augurou que este verán "máis ou menos" implicará unha volta á normalidade, ou polo menos será "moi distinto ao anterior", xa que a previsión é alcanzar o 60 por cento da poboación diana coa primeira dose e coa segunda "a todas as persoas maiores, probablemente, de 60 anos".

"Entón a mortalidade vai baixar, xa está a baixar. E eu entendo que este verán vai ser o verán de transición cara ao fin da pandemia", sentenciou o presidente galego.