Un home cae dun tellado en Boiro e o helicóptero do 061 aterra nun campo para levalo ao hospital (vídeo)

O helicóptero do 061 tivo que tomar terra nun escampado para recoller ao ferido, de 59 anos

Imaxe da evacuacion nunha foto do twitter @Jodon78

O helicóptero medicalizado con base en Santiago de Compostela evacuou ata un hospital da Coruña a un home ferido tras precipitarse dun tellado na localidade coruñesa de Boiro.

Segundo informou o 112 Galicia, sobre as 11,30 horas deste xoves no lugar de Pazos, no concello de Boiro, un home sufriu unha caída desde un tellado.

Para dar apoio á aeronave, o 112 Galicia avisou a axentes da Garda Civil e da Policía Local, así como aos membros de Protección Civil da localidade.

Ademais, do helicóptero medicalizado, o 061 tamén mobilizou unha ambulancia de soporte vital básico e un equipo sanitario de Atención Primaria de Boiro, pero finalmente foi a aeronave a que levou ao ferido, F.J.L.G., de 59 anos, ao Hospital A Coruña, confirmaron a Europa Press fontes sanitarias.

Así foi o despegamento da aeronave nun vídeo de M. Godón: